Yohanes 3:33 - Taaz Weru Witu u Nunuwu'en Tombulu

³³ Séi si ma'éman an ipahkua-Na, ni sia é makaulit i si Opo Empung én ulit.

Yohanes 3:33 Iomraidhean Croise

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

Yohanes 8:26

Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”

Roma 15:28

Niitumo, sa ni aku simampetoma wo niméhémoma an zoit sasawang né tahsasana wanua walina itii wia ni séra, taré ni aku mangé witi Spanyol lumangkoié um wanua tua'na niou.

Roma 4:11

Si Abraham é sinunat in urémo ma'éman wia si Opo Empung wo u sunat itii é meterai i ni sia niéndo-Namo ulit in zéi'kampé' sinunat. Niitumo ni sia é niéndo ama' né tou ma'éman zozo' sé tou ma'éman itii zéi'kampé' sinunat wo ni séra niéndo ulit ni Opo Empung.

1 Korintus 9:2

Zozo' sé tou walina mahkua ni aku én zéi'kan aatu ni Yesus, taan ni kamu é mahkua i ni aku é aatu ni Yesus. Ni kamu i ma'émano wia si Opo Empung un tumuzu'mé um pinaayangku in aatu ni Yesus.

2 Korintus 1:18

Si Opo Empung én zéi'kan nimaliuz wana a méitaaz-Na, téntu kangkasii ni kai én zéi'kan nimaliuz wana a méitaaz nai. Niitumo, ni kai én zéi'kan mahkua ‘éné’ wo witu ung genang én ‘zéi'kan’.

2 Korintus 1:22

Si Opo Empung si niméhé si Roh Lenas witu un atéta un tumuzu'mé i ni kai én toro makailek péléng a méitaaz-Na wia ni kai. Si Roh Lenas én tanu u meterai un tumuzu'mé i ni kita én tou-Na.

Efesus 1:13

Téntu kangkasii ni kamu é nimaéndomo tou ni Opo Empung i ni kamu timalingamola u nuwu' kaulitan um wia si Opo Empung a méyé, niitumo u Nuwu' Lé'os u nimilot ni kamu im witu un ukuman wana a singkéla'. I ni kamu nima'émanola u Nuwu' Lé'os itii, si Opo Empung é niméhémé si Roh Lenas wia ni kamu un tumuzu'mé i ni kamu én tou-Na, mengiit u mémoitaaz-Na.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

Ibrani 6:17

Niitumo, si Opo Empung én timiwa' i menté' un taaz-Na. Kapaaz-Na sé tou sé lamakailek un taaz-Na én uli-ulit mata'u i si Opo Empung é mangun a méitaaz-Na.

1 Yohanes 1:10

Sa kita kumuala i ni kita én zéi'kan simingkéla', ni kita é nimangunola ni Sia in tantowo wo u Nuwu'-Na én zéi'kan witu un atéta.