Yohanes 3:3 - Taaz Weru Witu u Nunuwu'en Tombulu

³ A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:3 Iomraidhean Croise

Matius 16:17

Ang kuan ni Yesus wia si Simon, “Mahpaa-paazla ni ko Simon oki' ni Yunus pahpaan zéi'kan si tou si kimua niitu wia ni ko, taan si Ama'-Ku si witi kasendukan.

Matius 19:24

Isaup-Kupé'ma wia ni kamu: si ontapé' si melé'os umana i muntep witu um wosona ung kéténgen taan si tou wa'ilan i muntep witi Kakolanoan ni Opo Empung.”

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 5:18

Uli-ulit ikua-Kuma wia ni kamu! Kauré u langit wo ung kaayahan im wiapé', zéi'kan siapa zozo' ing kori' uman u méipantik witu un ukum Torat un zéi'en, sa péléng a méipantik itii zéi'kampé' nimamualima.

Markus 10:14

Kaiileka niitu, si Yesus é maupi' ang kumua wia ni séra, “Iwayamola sé koki' itii i méyé wia ni Aku, tia' pahséro'en niou séra. Pahpaan sé tou tanu sé koki' kenumo sé makaanu ung Kakolanoan ni Opo Empung.

Markus 9:47

Sa um werenmu mangunla ni ko mahsingkéla', suitenola um weren itii! Pahpaan tawimo ni ko muntepa witi Kakolanoan ni Opo Empung karia um weren kasaru uman, taan ni ko é makaweren un zua méiuntep umana witi naraka.

Yohanes 1:13

Ni séra nimaéndo oki' ni Opo Empung én zéi'kan uman pahpaan um paaz né tu'a, zéi'kan pahpaan um paaz un awak wo kasii zéi'kan pahpaan um paaz ni tuama, taan pahpaan um paaz ni Opo Empung.

Yohanes 1:5

U sena' itii é mahsena' witu u rimbengbeng wo u rimbengbeng itii én zéi'kan kimawasa u sena' itii.

Yohanes 1:51

Ang kuan ni Yesus kasii wia ni sia, “Uli-ulit ikua-Kuma wia ni kamu, ni kamu é mamilek u langit nimawuka wo sé malaekat ni Opo Empung mahsakéma wo mahtumpamé witu u sinaru ni Oki' ni Tou.”

Yohanes 12:40

“Ni Sia é nimanguno um weren néra nimaletok wo un até néra nimaketéh, wo zozo' ni séra wéwéhan weren taan ni séra én zéi'kan makailek wo ung genang néra én zéi'kan makatulap, a séra méyé wia ni Aku wo séra lé'oseng-Ku.”

Yohanes 3:4

Ang kumuala si Nikodemus wia ni Sia, “Kura kahuman si tou in itoumé sa sia tu'amo? Toro wé sia muntep sumaup witu um poot ni ina'na wo itoumé sumaup ni ina'na?”

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

Galatia 6:15

Pahpaan sinunat kaapa zéi'kan sinunat én zéi'kan siapa torona, taan um wéwéhan torona éng katou-touan weru um wia si Opo Empung a méyé.

Efesus 2:1

Puunala ni kamu i ma'éman, ni kamu én tanu nimatémo pahpaan a léwo'an wo a singkéla' niou.

Titus 3:5

in toro niitu ni Sia é nimiloto ni kita im witu un ukuman wana a singkéla'ta. Ni kita méipilot-Na zéi'kan pahpaan an ulit winangunta, taan pahpaan u raraatéan-Na. Ni Sia nimilot ni kita mengiité si Roh Lenas si zéi'kan siapa akazna, si nimeresi un atéta wo niméhé wia ni kita ung katou-touan weru,

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.

1 Yohanes 2:29

Sa kata'uan niouo i si Opo Empung én ulit, ni kamu kasii é léwo'zéi' i mata'u im péléng sé tou mahwangun ang kaulitan én oki'-Na.

1 Yohanes 3:9

Sé tou nimaéndomo oki' ni Opo Empung én zéi'mo memua-muali a singkéla'. Pahpaan si Opo Empung é menou-nou witu un touna un tanumokan ni Sia én timanemé um watuna tatanemen witu un até ni tou an tumoumé. Ni sia én zéi'mo mata'u memua-muali a singkéla', pahpaan ni sia é nimaéndomo oki' ni Opo Empung.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.

1 Yohanes 5:18

Kata'uanta im péléng sé tou sé nimaéndomo oki' ni Opo Empung én zéi'mo mahwangun a singkéla'. Pahpaan si Oki' ni Opo Empung én timéiz ni sia wo si tonaas né sétang én zéi'kan mata'u kumura im wia ni sia.

1 Yohanes 5:4

pahpaan péléng sé oki' ni Opo Empung éng kumala a léwo' wia ung kaayahan kenu. Ung kenumo ung kimala a léwo'an wia ung kaayahan kenu: Um pa'émanenta wia si Yesus.

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.