Yohanes 3:29 - Taaz Weru Witu u Nunuwu'en Tombulu

²⁹ Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

Yohanes 3:29 Iomraidhean Croise

Matius 22:2

“Ung Kakolanoan ni Opo Empung én tanu si kolano mangun um pésta kawéng ni tarétumouna.

Matius 25:1

Kuan ni Yesus, “In toro niitu, ung Kakolanoan ni Opo Empung én tanu sé raraha mapulu' mahali-ali a solo i masumungkul si brédégom.

Matius 9:15

A séra wingkotela ni Yesus, “Sa si brédégom ém witipé' pahpéstaan karia né kakariana, toro wé sé kakariana i mahpengasi'? Taan un orasna é méyé, si brédégom in éndon im wia ni séra. In toro niitumo ni séra mahpuasa.

Lukas 15:6

Ikaayola witi walé, sia tumawah sé kakariana wo sé karéténa ang kumua wia ni séra, ‘Mémo kita mahpaa-paaz. Pahpaan si dombaku méikalulu éng kinailekanomé.’

Yohanes 15:11

Péléng niitu é méikua-Kuma wia ni kamu, wo un até niou toro mahpaa-paaz tanu un até-Ku i mahpaa-paaz wo u mahpaa-paaz niou malekep.

Yohanes 16:24

Makazla in tarékan zéi'kampé' siapa um pinahaléi niou witu u ngaran-Ku. Mahaléiola ni kamu é makailek, wo ni kamu mawuta-wuta u mahpaa-paaz.

Yohanes 17:13

Taan in tarékan, ni Aku é méyé wia si Ama' wo ni Aku kumua niia péléng karegas ni Aku im wiapé' ung kaayahan kenu, wo ni séra toro uli-ulit mahpaa-paaz tanu ni Aku.

Yohanes 3:30

Ni Sia é léwo'zéi' kalousna im pahsigi'en, taan ni aku é léwo'zéi' kalousna im pahroros.”

2 Korintus 11:2

Um pa'émanen niou wia si Kristus én totoz pahtéizangku wo ikaupi'ku sa wéwéhan sé mahlululu um pa'émanen niou, tanu si Opo Empung én timéiz ni kamu. Pahpaan ni aku si totoz puuna nimapata'u wia ni kamu tumoro si Yesus Kristus makaz ni kamu ma'éman wia ni Sia. Niitu é masuat wo si ama' mahkakawéng si rarahana karia ni tuama maéndo mahayona. Ni kamumo sé tanu si raraha itii wo si tuama itii é si Kristus.

Filipi 2:2

niitumo, mahtututu'la i mangun ni aku mahpaa-paaz karia ang kenu: Ni kamu é menou-noula karia i mahlé'o-lé'osan, mahraa-raatéan si esa wo si esa, esa genang wo nimaesaan.

1 Yohanes 1:4

Péléng niia én ipantik naima wo iwéhéma wia ni kamu, wo u mahpaa-paaz nai én toro malekep.

2 Yohanes 1:12

Zozo' i lakezpé' a léwo'zéi' in ikuakuma wia ni kamu, taan ni aku é soo sa niitu ipantik umana. Taan ni aku é mahéré'la i ni aku in esa si mémahilekan mahilekan karia niou i sumirita nimasaruan wo u mahpaa-paazta é malekep.

Wahyu 21:9

Tumondong niitu, méyé si esa im wia sé pitu malaekat sé timion am pitu eelepan mawuta-wuta am pitu meléwo' kamurian. A si malaekat itii kumuamé wia ni aku, “Méyémo wia'i, ipapailekku wia ni ko si wéwéné kawéngen ni Anak ni Domba.”