Yohanes 3:26 - Taaz Weru Witu u Nunuwu'en Tombulu

²⁶ Ni séra niméyé wia si Yohanes ang kumua, “Méster, si nimahwali-walimé karia ni méster im witi leweta u so'so'an Yordan si méipahsiritamumé wia ni kai tumoro a niilekmu wia ni Sia, ni Sia kangkasii é mahsarani sé tou wo péléng sé tou é mahangé wia ni Sia.”

Yohanes 3:26 Iomraidhean Croise

Matius 23:7

Ni séra ém paaz pahsigi'en né tou im wana am pasar wo paaz im pahtawahen né tou ‘méster’.

Matius 23:8

Taan ni kamu, tia' ipahwaya niou sé tou mahtawah ni kamu i ‘méster’! Pahpaan si Méster niou én esa uman wo ni kamu péléng é mahtuari.

Yohanes 1:15

Si Yohanes Menanarani éng kimua a niilekna tumoro ni Sia karia i mahkérét, “Kelamo Sia si paza'ingkula i ni aku mahkua wia ni kamu: Wéwéhan si méyé tumondongé ni aku. Ni Siapé' si pahpuu-puuna taan ni aku pahpaan ni Sia ém wiamo puunala ni aku i nimatou.”

Yohanes 1:7

Ni sia i niméyé é mékumua a niilek wo an tinalingana tumoro u sena' itii, wo péléng sé timalingama a méikuana é ma'éman u sena' itii.

Yohanes 1:9

Un uli-ulit sena' u mahsena' wia péléng sé tou é mahéyémo wia ung kaayahan.

Yohanes 11:48

Sa Sia iwayata, péléng sé tou é ma'éman wia ni Sia wo sé tou Roma é méyé wo luméwo' um walé ni Opo Empung anuta wo kumawasa sé tahsasana wanuata.”

Yohanes 12:19

A sé tou im wia sé sana réwok tou Farisi mahkuaala, “Ilekenola, kumurapé' kita! Péléng sé tou mahkiit ni Sia.”

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Yohanes 4:1

Si Yesus é nimata'umola i sé sana réwok tou Farisi én timalingamola i sé nimaéndo mahkii-kiit wo sé sinarani ni Yesus é lumouspé'mé ung kalakez né sinarani ni Yohanes Menanarani. (

Yohanes 4:2

Un ulitna zéi'kan si Yesus si mahsarani taan sé pahtuzu'en-Na.)

Yohanes 4:31

Karegas niitu sé pahtuzu'en-Na é mahtawah ni Sia, “Méster, méyémo kuman.”

Yohanes 5:33

Ni kamu é nimatumoma si tou i mahilekan karia ni Yohanes Menanarani, wo ni sia éng kimuamola an ulit tinalingana wo a niilekna tumoro ni Aku.