19 Si tou zéi'kan ma'éman itii é niukum pahpaan ung kenu: U Sena' é niméyémo wia ung kaayahan, taan ung karimbengbengampé' ung kapaaz né tou, pahpaan um pahwangunen néra é léwo'.
In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan.
Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.
A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”
Zozo' ing kata'uan néra an tinotoz witu un ukum ni Opo Empung, im péléng sé mahwangun niana é makailek un ukuman patéan, taan ni séra én zéi'kan kumana' i mahwangun niana, lumousé niitu sé tou sé mahwangun niana kangkasii é niénéan nérala.
Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.