Yohanes 3:19 - Taaz Weru Witu u Nunuwu'en Tombulu

¹⁹ Si tou zéi'kan ma'éman itii é niukum pahpaan ung kenu: U Sena' é niméyémo wia ung kaayahan, taan ung karimbengbengampé' ung kapaaz né tou, pahpaan um pahwangunen néra é léwo'.

Yohanes 3:19 Iomraidhean Croise

Lukas 12:47

Sa kata'uan ni ata ung kapaaz ni tuang, taan si zéi'kan nimimek kaapa zéi'kan nimangun ung kapaaz ni tuang, un ukuman wia si ata itii ém wutez.

Lukas 16:14

I sé tou wia sé sana réwok tou Farisi sé megena-genang uman an zoit, tumalingamé péléng a méikuamé ni Yesus, a Sia ipahké'ké' néra.

Yohanes 1:4

U Nuwu' ni Opo Empung itii é mahwéhémé ung katou-touan wo ung katou-touan itii é sena' im wia sé tou.

Yohanes 1:5

U sena' itii é mahsena' witu u rimbengbeng wo u rimbengbeng itii én zéi'kan kimawasa u sena' itii.

Yohanes 12:31

In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan.

Yohanes 12:43

Pahpaan u lolooz né toupé' ung kapaaz néra taan u lolooz ni Opo Empung.

Yohanes 12:46

Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan.

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Yohanes 7:7

Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 9:5

I ni Aku memia-mia ung kaayahan kenu, ni Akumo si sena' ung kaayahan.”

Roma 1:32

Zozo' ing kata'uan néra an tinotoz witu un ukum ni Opo Empung, im péléng sé mahwangun niana é makailek un ukuman patéan, taan ni séra én zéi'kan kumana' i mahwangun niana, lumousé niitu sé tou sé mahwangun niana kangkasii é niénéan nérala.

Roma 2:8

Taan sé tou mahgenang uman un touna in esa wo zéi'kan mahkiit ung kaulitan taan mahkiit uman a léwo'an, ni séra én totoz ikaupi' ni Opo Empung.

2 Tesalonika 2:12

Si Opo Empung nimangun niitu, wo péléng sé tou sé zéi'kan ma'éman an tutuzu' ulit tumoro si Yesus wo paaz a léwo'an én ukumen.

1 Petrus 2:8

Ni séra ém pahkasangkil wia ni Sia pahpaan zéi'kan mahtalinga u Nuwu' ni Opo Empung. Téntu un tinotozo ni Opo Empung i mamuali wia ni séra.

2 Petrus 3:3

Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.