Yohanes 3:17 - Taaz Weru Witu u Nunuwu'en Tombulu

¹⁷ Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 3:17 Iomraidhean Croise

Matius 1:23

“Un ulitna, si raraha itii é mahawa-awak wo tumou si lowai wo ni Sia é ngaranan néra Imanuel.” (Ung kalakoana: Si Opo Empung é menaté-natér ni kita).

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 18:11

Pahpaan si Oki' ni Tou niméyé i mémilot sé tou méikalulu im witu un ukuman wana a singkéla néra.]

Lukas 19:10

Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”

Lukas 9:56

A séra mangé witi wanua walina.

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 11:42

Kata'uang-Ku ni Ko sekezé é mahtalinga ni Aku, taan pahpaan sé tou lakez sé rimendai makaliklik kenu, ni Aku éng kimua niitu, wo séra ma'éman i ni Komo si nimatumé ni Aku.”

Yohanes 17:18

Tanu si Ama' nimatumé ni Aku i méyé wia ung kaayahan, téntu kangkasii ni Aku nimatu ni séra i mangé wia sé tou walina sé wia ung kaayahan.

Yohanes 17:21

Ni Aku mengaléi, wo ni séra péléng maesa, tanu si Ama' nimaesa karia-Ku wo ni Aku nimaesa karia ni Ama'. Wo ni séra kasii nimaesa karia ni Kita, wo sé tou walina wia ung kaayahan kenu ma'éman i si Ama' si nimatumé ni Aku.

Yohanes 17:23

Ni Aku nimaesa karia néra wo si Ama' nimaesa karia-Ku wo ni séra uli-ulit nimaesa. Wo sé tou walina wia ung kaayahan kenu mata'u i si Ama' si nimatumé ni Aku wo si Ama' rumaraaté ni séra, tanu si Ama' rumaraaté ni Aku.

Yohanes 17:25

O Ama' si zéi'kan mahsanaweka, sé tou wia ung kaayahan én zéi'kan mata'u si Ama', taan ni Aku é mata'u si Ama' wo sé pahtuzu'eng-Ku kenu é mata'u i si Ama' si nimatumé ni Aku.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 3:34

Séi si méiatumé ni Opo Empung, ni Siamo si mahwoka' u nuwu' ni Opo Empung, pahpaan si Opo Empung é niméhémé wia ni Sia si Roh-Na karia in zéi'kan siapa akazna.

Yohanes 5:36

Taan un tinalinga wo u niilek-Ku é lumouspé'mé u méikua ni Yohanes Menanarani un tinalingana wo u niilekna tumoro ni Aku. An tumuzu'mé itii ém péléng am paayangen méiwéhémé ni Ama' wia ni Aku im paayangeng-Ku. Am paayangen itii kangkasii ém pahpaayangeng-Ku in tarékan, niitumo an tumuzu'mé i ni Aku é méiatumé ni Ama'.

Yohanes 5:38

U Nuwu'-Na én zéi'kan méikauntep witu un até niou pahpaan ni kamu én zéi'kan ma'éman wia ni Sia si méiatumé ni Ama'.

Yohanes 5:45

Ni kamu én tia'mo mahgenangla i ni kamu ém papahsasala'-Ku witu u sinaru ni Ama'. Si mapahsasala' ni kamu é si Musa, ni sia si niéré'an niou.

Yohanes 6:29

Kuan ni Yesus wia ni séra, “Ung kenumo um paayangen kapaaz ni Opo Empung: Pa'émanela Sia si méiatumé ni Opo Empung.”

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

Yohanes 6:40

Pahpaan niiamo um paaz ni Ama'ku: Wo péléng sé tou nimilek wo sé ma'éman si Oki' é makailek ung katou-touan makaz ing kauré-uré wo ni séra én itou-Ku sumaup im witu un endo kaakazan ung kaayahan.”

Yohanes 6:57

Si Ama', si nimangun sé tou i menou-nou, nimatumé ni Aku wo ni Aku menou-nou pahpaan si Ama'. Téntu kangkasii, séi uman si kuman un awak-Ku, si tou itii é mamenou-nou pahpaan ni Aku.

Yohanes 7:29

Ni Aku é mata'u ni Sia pahpaan ni Aku ém wia ni Sia a méyé wo ni Siamo si nimatumé ni Aku.”

Yohanes 8:11

Kuana, “Zéi'kan siapa, Tuang.” Ang kuan ni Yesus, “Ni Aku kangkasii én zéi'kan mukum ni ko. Mangémo wo rengan in tarékan, tia'mo memangu-mangun a singkéla'.”]

Yohanes 8:42

Kuan ni Yesus wia ni séra, “Sa si Opo Empung én Ama' niou, ni kamu é marumaraaté ni Aku, pahpaan ni Aku ém wia si Opo Empung a méyé wo in tarékan ni Aku ém wia'i. Ni Aku i niméyé én zéi'kan pahpaan um paaz-Ku in esa, taan ni Siamo si nimatumé ni Aku.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.

1 Yohanes 4:14

Ni kai é nimileko wo ni kai éng kumuama a niilek nai i si Ama' é nimatumomé si Oki'-Na i milot sé tou wia ung kaayahan im witu un ukuman wana a singkéla'.