Yohanes 3:12 - Taaz Weru Witu u Nunuwu'en Tombulu

¹² Ni kamu én zéi'kan ma'éman i ni Aku mahkua wia ni kamu tumoro am wia ung kaayahan, kura kahuman ni kamu ma'éman sa ni Aku mahkua tumoro am witi kasendukan?

Yohanes 3:12 Iomraidhean Croise

Yohanes 3:11

Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Yohanes 3:8

U reges é mahsengoma wisa uman ung kapaazna in angéan, ni ko é mahtalinga uman un zanina, taan zéi'kan kata'uannu wisa niitu a méyé kaapa wisa un angéan niitu. Téntu kangkasii u mamuali wia sé tou sé matoumé im wia si Roh ni Opo Empung.”

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Ibrani 5:11

Totozpé' lakez un ipapata'u nai tumoro si Yesus wo si Melkisedek pahpaan ni séra zua ém Walian Wangko', taan susa i mapata'u niitu wia ni kamu pahpaan ni kamu én tahlous ngerez i makatulap niitu.

1 Yohanes 4:10

Ung kenumo u raraaté itii: Zéi'kan ni kita sé rimaraatémo si Opo Empung, taan si Opo Empung si rimaraatémo ni kita wo nimatu si Oki'-Na in zuméi' a singkéla' pahlé'osenta.