Yohanes 3:11 - Taaz Weru Witu u Nunuwu'en Tombulu

¹¹ Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Yohanes 3:11 Iomraidhean Croise

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 23:37

“É tou Yerusalem, é tou Yerusalem! Ni kamu sé nimunu' sé nabi wo nimahwatumé sé tou méiatu ni Opo Empung i mangé wia ni kamu. Makalakezo ni Aku lumelo i ruméwok ni kamu witu u rété-Ku, tanu si makawali-wali i ruméwok sé sisina witu un tétéwélna, taan ni kamu é soo!

Lukas 10:22

Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama'. Zéi'kan siapa zozo' in esa si mata'u si Ama', akaz uman si Oki' wo sé tou sé kapaaz ni Oki' sé makuaan-Na tumoro si Ama'.”

Yohanes 1:11

Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Yohanes 1:18

Zéi'kan siapa si tou nimahile-ilekola si Opo Empung, akaz uman si Oki'-Na si esa uman si nimileko si Opo Empung. Si Oki'-Na sekezé é mengari-ngaria si Ama' wo ni Siamo si mahtuzu'mé wia ni kita séi si Opo Empung.

Yohanes 12:49

Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku.

Yohanes 14:24

Séi uman si zéi'kan rumaraaté ni Aku, si tou itii én zéi'kan mahwangun a nuwu'-Ku. Wo a nuwu' tinalinga niou itii én zéi'kan wia ni Aku a mangé, taan wia si Ama' si nimatumé ni Aku a mangé.

Yohanes 3:12

Ni kamu én zéi'kan ma'éman i ni Aku mahkua wia ni kamu tumoro am wia ung kaayahan, kura kahuman ni kamu ma'éman sa ni Aku mahkua tumoro am witi kasendukan?

Yohanes 3:13

Zéi'kan siapa zozo' in esa si tou si nimahpené-penékoma witi kasendukan, akaz uman ni Sia si timumpamé im witi kasendukan, ni Siamo si Oki' ni Tou.

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Yohanes 5:43

Ni Aku niméyé éng karia u ngaran ni Ama'-Ku taan ni kamu é soo sumungkul ni Aku. Taan sa sé tou walina méyé karia ung kawasana in esa, ni kamu ém paaz sumungkul ni sia.

Yohanes 7:16

Si Yesus nimingkotla wia ni séra, “Am pahtuzu'-Ku én zéi'kan tutuzu'-Ku in esa, taan tutuzu' ni nimatumé ni Aku.

Yohanes 8:14

Kuan ni Yesus wia ni séra, “Zozo' ni Aku mahkua tumoro un tou-Kukan, um pahkua-Ku én ulit, pahpaan kata'uang-Ku, wisa ni Aku a méyé wo wisa un angéang-Ku. Taan ni kamu én zéi'kan mata'u, wisa ni Aku a méyé wo wisa un angéang-Ku.

Yohanes 8:26

Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”

Yohanes 8:38

Apa a niilek-Ku wia si Ama', niitu an ipahkua-Ku. Téntu kangkasii ni kamu, ni kamu mahwangun an tinalinga niou im wia si ama' niou.”

Kisah Rasul-rasul 22:18

An ilekengkuma si Tuang si kimuamé téntii wia ni aku, ‘Mahrewekola, itula'umoma u Yerusalem, pahpaan un ipahkuamu tumoro ni Aku éng kasoo néra.’

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.