Yohanes 3:10 - Taaz Weru Witu u Nunuwu'en Tombulu

¹⁰ Si Yesus mingkotla, “Ni ko é méster né tou Israel, amo kahuman niitu zéi'kan kata'uannu?

Yohanes 3:10 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 15:14

Iwayamola sé sana réwok tou Farisi itii. Ni séra é masuat wo si tou letok mengahkit si tou letok. Sa si tou letok mengahkit si tou letok, ni séra zua én ikatahu' witu um woso.”

Matius 22:29

A si Yesus mingkotla wia ni séra, “Ni kamu é mahsala', pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung!

Lukas 2:46

In teluna endomo, ang kailekan nérala Sia witi Walé ni Opo Empung. Ni Sia é rimumez witu un unez né méster um pa'émanen né Yahudi, ni Sia é mahtalinga wo mahligau wia ni séra.

Lukas 5:17

I sana endo, si Yesus mahtuzu' sé tou. Im witu ém wéwéhan sé sana réwok tou Farisi wo sé tou tulap un Torat rimumez mahtalinga ni Sia. Ni séra ém wana péléng am wanua witi Galilea wo Yudea wo Yerusalem a méyé. Ung kawasa ni Opo Empung ém wia ni Sia takaz ni Sia toro lumé'os sé tou saki.

Yohanes 3:9

Ang kumuala si Nikodemus wia ni Sia, “Kura kahuman niitu mamuali?”

Kisah Rasul-rasul 5:34

Taan wéwéhan si esaané im wia sé sana réwok tou Farisi si méikauntep witu u Mahkamah Agama, makangaran Gamaliel. Ni sia én tou tulap un Torat wo totoz pahsigi-sigi'en péléng né tou. Sia rumendaié a mahaléila, wo sé aatu ni Yesus itii i mondola im witu zéi'kan uré.

Roma 2:28

Pahpaan si uli-ulit tou Yahudi én zéi'kan pahpaan sé tu'ana én tou Yahudi, wo un uli-ulit sinunat én zéi'kan pahpaan un awakna ém wéwéhano um walulang i sinunat.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Kolose 2:11

Pahpaan nimaesamo karia ni Kristus, ni kamu é sinunat. U sunat itii én zéi'kan u sunat um pahwangunen uman né tou, taan u sunat um pahwangunen ni Kristus, u nimangun ni kamu méipiloté im witu ung kawasa u lelo un awak u mahwangun ni kamu i mahsingkéla'.