Yohanes 21:7 - Taaz Weru Witu u Nunuwu'en Tombulu

⁷ A si pahtuzu'en si karaaté ni Yesus itii kumuama wia si Petrus, “Ni Sia én Tuang.” I si Petrus timalingama i ni Sia én Tuang, a sia kumaraila pahpaan ni sia é rimonai ang kumonta'ma witu un zano.

Yohanes 21:7 Iomraidhean Croise

Markus 11:3

Sa wéwéhan si kumuala wia ni kamu, ‘Kaa niowaran nioué si keledai itii?’ Wingkoten umanla in téntii, ‘Si keledai kenu ém pemandungen ni Tuang wo ikii-kiit iwuri-Namokané sumaup.’ ”

Lukas 12:35

Kuan ni Yesus, “Ni kamu é léwo'zéi' mahime-imek i maayang wia si Opo Empung, tanu si tou si sekezé éng kimaraio um pengangaraien i maayang wo sekezé én timutungo u solo.

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 7:47

Pahpaano niitu, ni Aku kumuama wia ni ko: A singkéla'na an totoz lakez ém pinakazéi'moma, pahpaan si wéwéné kenu é nimapailek u raraatéan un totoz wangko'. Taan sa a singkéla' ni tou én toyo' uman wo zéi'en a singkéla' toyo uman itii, ni sia kangkasii é nimapailek u raraatéanna én toyo' uman.”

Yohanes 13:23

Si esaané im wia sé pahtuzu'en ni Yesus, si ikararaaté-Na, rimumez totoz rété witu ung kakan-Na.

Yohanes 19:26

I niilekla ni Yesus si Maria ina'-Na wo si pahtuzu'en si ikararaaté-Na witu ung kasaru ni Maria, a Sia kumuama wia si ina'-Na, “Ina', kenumo si oki'mu!”

Yohanes 20:2

A sia kumara'mé menéro si Simon Petrus wo si pahtuzu'en ni Yesus si ikararaaté-Na, a mahkua wia ni séra, “Si Tuang é niéndomoma né tou im witu u lelewengan-Na wo u zinetaan ni Sia én zéi'kan kata'uan nai.”

Yohanes 20:20

Makakuama niitu, an ipapailek-Nama u lengen-Na wo um wentuhan-Na wia ni séra. Sé pahtuzu'en-Na itii é mahpaa-paaz i ni séra nimileka si Tuang.

Yohanes 20:28

A si Tomas mingkotla wia ni Sia, “O Tuang wo Opo Empungku!”

Yohanes 21:20

I si Petrus liméngéhma, ni sia nimilek i si pahtuzu'en ikararaaté ni Yesus é mahkiita ni séra, ni sia é si pahtuzu'en si rimumez witu ung kasaru ni Yesus i ni séra mahkan mahwali-wali wo kimuala, “Tuang, séi sia wé si mayo ni Ko?”

Yohanes 21:24

Ni siamo si pahtuzu'en si mahkuama an niilek wo an tinalingana tumoro niia péléng wo si nimantiko, wo kata'uanta sa am pahkuana tumoro a niilek wo an tinalingana én ulit.

Yohanes 21:8

A méyé sé pahtuzu'en walina simakémé witu u londéi pahpaan ni séra é rété uman un tembir louz, woo sana atus meter uman wo ni séra é mahkéhongé u lolombo' mawuta-wuta seza'.

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

Kisah Rasul-rasul 2:36

Niitumo, ni kamu péléng in tou Israel é léwo'zéi' in totoz mata'ula i si Yesus si salip niouola itii ém winangunola ni Opo Empung maéndo Mahpiara wo Kristus.”

1 Korintus 15:47

Si tou kataré winangun ni Opo Empung én tana' am wangunen. Un tana' itii niéndo wia ung kaayahan kenu. Taan si Kristus si Tou kazua, ém witi kasendukan a méyé.

2 Korintus 5:14

Niana péléng ém pahwangunen nai, pahpaan u raraatéan ni Kristus ung kimawasa ni kai. Pahpaan ung kalakoana éng kata'uan naimo, im puuna ni Sia i nimaté é simawel péléng sé tou. Niitumo, péléng sé tou én tanu nimatémo.

Yakobus 2:1

Katuari-katuariku, ni kita in tou ma'éman wia si Yesus Kristus Mahpiarata si pahsigi'en wo pahloozen én tia' meméléng tou.