Yohanes 21:5 - Taaz Weru Witu u Nunuwu'en Tombulu

⁵ Kuan ni Yesus wia ni séra, “É kamu oki'-Ku, wéwéhan seza' kamu?” Wingkoten nérala, “Zéi'kan siapa.”

Yohanes 21:5 Iomraidhean Croise

Matius 14:15

Im wengindomo, a méyé sé pahtuzu'en ni Yesus wia ni Sia ang kumua, “Un tampa kenu én zou'mé im wana am wanua wo mawengimo. Iatumoma sé tou kenu i mangé wana am wanua rété wia'i wo séra toro matumelesé ung kanen néra.”

Markus 8:7

Ni séra kangkasii ém wéwéhan sé seza' kori' woopira. Endo-Namé sé seza' itii a Sia kumuama u makasé wia si Opo Empung, an iatu-Nama sé pahtuzu'en-Na i maméténg sé seza' itii wia sé tou lakez.

Filipi 4:19

Si Opo Empungku é meméhé-méhémé péléng am pemandungen niou mengiité si Kristus Yesus. Pahpaan ni Sia ém wa'ilan, niitumo ni Sia é méhé péléng am pemandungen niou mengiit ung kawa'ilanan wo ung kawangko'an-Na, taka-takazan am pahwéhé-Namé é lumousé am pemandungen niou.

Ibrani 13:5

Tia' megena-genang uman an zoit wo mahpaa-paazola karia un apa uman um wiamo ni kamu. Pahpaan si Opo Empung éng kimua téntii, “Ni ko én zéi'kan iwaya-Ku wo ni ko én zéi'kan kawisa itula'u-Ku.”

1 Yohanes 2:13

É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan si tonaas né sétang éng kinala niouola.

1 Yohanes 2:18

É kamu in oki'ku, in tarékan é merétémoma ung kaakazan ung kaayahan, wo tanu an tinalinga niouo i si kakoro' ni Kristus é méyé, wo in tarékan lakez sé kakoro' ni Kristus ém wiamo. Nianamo an tumuzu'mé wia ni kita sa un oras kenu én uli-ulit merétémoma ung kaakazan ung kaayahan.