Yohanes 21:3 - Taaz Weru Witu u Nunuwu'en Tombulu

³ Kuan ni Simon Petrus wia ni séra, “Ni aku é mangé menéropé'mé seza'.” Ang kuan néra wia ni sia, “Ni kai kasii éng kumiit ni ko.” A séra mangé simakéma u londéi. Taan i sana wengi itii zéi'kan siapa seza' kinailekan nérala.

Yohanes 21:3 Iomraidhean Croise

Lukas 5:5

A mingkotla si Simon, “Méster, simanawengi kai ma'ulit i mahpenéro seza' taan ni kai én zéi'kan méikailekla zozo' in esa, taan pahpaan si Méster si nimatu, u lolombo' kenu én ilombo'kukana.”

Yohanes 21:4

I mahseritomé si endo, si Yesus rimendai witi tembir u louz, taan sé pahtuzu'en-Na én zéi'kan mata'u sa ni Sia é Yesus.

Kisah Rasul-rasul 18:3

Si Paulus nimento' karia néra pahpaan um pahpaayangenna karia ni Akwila é masuat. Ni séra mahpaayang mahwali-wali i memamangun an ténda.

Kisah Rasul-rasul 20:34

Kata'uan niouo taré i ni aku é mahpaayang karia ung ketezku in esa i mahwuwutul am pemandungengku wo am pemandungen né kawaliku.

1 Korintus 3:7

Niitumo, si ipahpuu-puuna én zéi'kan si timanem wo si mahsirang taan si Opo Empung si nimangun an tinanem i mahtoumé.

1 Korintus 9:6

Kaapa, ni aku wo si Barnabas uman wé sé totoz maayang am paayangen walina i mahwuwutul am pemandungen nai i mendo-endo?

1 Tesalonika 2:9

Katuari-katuari, kagenangan nioupé'la kura kai in totoz mahtututu' wo ma'ulit i mahpaayang. Endo wo wengi ni kai mahpaayang i mahwuwutul am pemandungen nai. Karia in téntu, ni kai én zéi'kan maéndo pengalin niou i mahtuzu' u Nuwu' Lé'os ni Opo Empung wia ni kamu.