Yohanes 21:22 - Taaz Weru Witu u Nunuwu'en Tombulu

²² Ang kuan ni Yesus, “Sa sia kapaaz-Ku menou-nou makaz ni Aku i mawurimé sumaup, niitu én zéi'kan urusannu. Taan ni ko, kumiitomé ni Aku.”

Yohanes 21:22 Iomraidhean Croise

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Matius 24:27

Pahpaan kuramo un tila'pong i sumena'mé im witi sendangan makaz witi talikuzan, téntumo si Oki' ni Tou i mawurimé sumaup wia ung kaayahan kenu im woosawisa.

Matius 24:3

Tumondong niitu, a si Yesus mangé witi kentur Zaitun. Im witu si Yesus rimumezla, a méyé sé pahtuzu'en-Na i mésumirita karia-Na, kuan néra, “Méster, ikuamé wia ni kai sawisa u méikua-Mumé itii mamuali, wo apa un tumuzu'mé ni Ko i mawurimé wo an tumuzu'mé ung kaakazan ung kaayahan?”

Matius 24:44

Niitumo, ni kamu kangkasii én tuméga-tégam, pahpaan si Oki' ni Tou é méyé witu un oras zéi'kan kata'uan niou.”

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 8:22

A sia wingkotela ni Yesus, “Kumiitomé ni Aku wo iwayamola sé tou nimatémo i malumewengla sé nimatémo.”

Markus 9:1

A si Yesus kumua kasiila wia ni séra, “Uli-ulit ikua-Kuma wia ni kamu, sé woopira im wia ni kamu sé wia un tampa kenu én zéi'kan maté puunala séra nimilek ung kawasa wo ung Kakolanoan ni Opo Empung.”

Yohanes 21:19

Niia é méikua-Na i mapata'u kura si Petrus i maté wo karia in téntu si Opo Empung pahloozen wo pahsigi'en. Makakuala niitu a Sia kumuala wia si Petrus, “Kumiitomé ni Aku.”

Yohanes 21:21

I si Petrus nimileka si pahtuzu'en itii, ni sia kimuama wia si Yesus, “Tuang, apa u mamuali wia si tou kenu?”

1 Korintus 11:26

Pahpaan sekez ni kamu ing kuman u roti wo melep un anggor witu um pengengelepan kenu, niitu é masuat wo ni kamu mahwoka' wia sé tou tumoro um patéan ni Mahpiara, makaz Sia i mawurimé sumaup.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

1 Tesalonika 2:19

Pahpaan sa zéi'kan ni kamu, séipé' taré sé pahéré'an nai wo mangun ni kai mahpaa-paaz wo ipahloo-looz nai witu u sinaru ni Yesus, si Mahpiarata, i ni Sia méyé sumaup?

Yakobus 5:7

Pahpaano niitu, katuari-katuari, meze-ezenla makaz si Mahpiara i mawurimé sumaup. Si mahuma én ezen i ma'ento' am wua'na am wéwéhan torona im witu un umana. Ni sia kasii én ezen i ma'ento' un uzan in tumumpamé oras in tumanem wo un uzan in tumumpamé in oras i mahwua'.

Yakobus 5:8

Ni kamu kasii é léwo'zéi' i mezenla wo menté'la un até, pahpaan si Mahpiara i mawurimé sumaup én zéi'mo uré.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 2:25

Taan am wiamo ni kamu én tio-tionan makaz ni Aku i mawurimé sumaup.

Wahyu 22:20

Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”

Wahyu 3:11

Zéi'mo uré ni Aku é méyémo! Tio-tionan am wiamo ni kamu, wo zéi'kan siapa sé méndo ung kukulu un tanumokan poporongen ni kolano u méiwéhé-Ku wia ni kamu.