Yohanes 21:17 - Taaz Weru Witu u Nunuwu'en Tombulu

¹⁷ Kuan ni Yesus wia ni sia ing katelu, “Simon oki' ni Yohanes, apa ni ko rumaraaté ni Aku?” Pahpaan si Yesus kimua, “Apa ni ko rumaraaté ni Aku?” ing katelumo, niitumo un até ni Petrus é rumara. A sia kumuala wia si Yesus, “Tuang, ni Ko é mata'u péléng am péléng, kata'uan-Nu i ni aku é rumaraaté ni Ko.” A si Yesus kumuala wia ni sia, “Piarala sé domba-Ku.

Yohanes 21:17 Iomraidhean Croise

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Markus 14:72

In toro niitukan ang kumukuké ing kazua si laka'. Ang kagenangala ni Petrus u méikua ni Yesus wia ni sia, “Puunala si laka' kumukuké ing kazua, ni ko é makatelumo ing kimélongla ni Aku.” A si Petrus mamamé' karia i sindekokan.

Yohanes 12:8

Pahpaan sé tou zéi'kan siapa apa sekezé é memali-mali karia niou, taan ni Aku zéi'kan sekezé é memali-mali karia niou.”

Yohanes 13:38

A si Yesus mingkotla, “Apa ulit ni ko é mayo ung katou-touannu pahpaan ni Aku? Uli-ulit ikua-Kuma wia ni ko, puunala si laka' ing kumukuké, ni ko é makatelumo ing kimélong ni Aku.”

Yohanes 14:15

Kuan ni Yesus kasii wia sé pahtuzu'en-Na, “Sa kamu rumaraaté ni Aku, ni kamu é mangun a méiperénta-Ku.

Yohanes 15:10

Sa ni kamu mahkii-kiit am perénta-Ku, ni kamu é menou-nou in tou sé karaaté-Ku. Tanu ni Aku i mahkii-kiit am perénta ni Ama'-Ku wo ni Aku é menou-nou in tou si karaaté-Na.

Yohanes 16:30

In tarékan kata'uan naimo i si Méster é mata'umo péléng am péléng wo sé tou én zéi'mo totoz meligau wia si Méster. Niitumo ni kai é ma'éman i si Méster ém wia si Opo Empung a méyé.”

Yohanes 18:27

Si Petrus kimélong uman kasiila. In toro niitukan ang kumukuké si laka'.

Yohanes 18:4

Si Yesus si mata'u péléng a mamuali witu un tou-Na, simungkula ang kumua wia ni séra, “Séi si penéron niou?”

Yohanes 21:18

Uli-ulit ikua-Kuma wia ni ko: I ni ko tarétumoupé', zéi'kan siapa si mahsawang ni ko i maké ung karai wo ni ko mahlampang wisa uman um paaz angéannu, taan i ni ko tu'amo ni ko é mayo u lengenmu wo sé tou walina é mapus ni ko wo mahwali ni ko witi tampa kasoomu.”

Yohanes 4:16

Kuan ni Yesus wia ni sia, “Mangémo, tawahené si mahayomu wo mawurimé wia'i.”

Kisah Rasul-rasul 1:24

Tumondongla niitu a séra péléng mengaléi wo mahkua, “O Mahpiara, totoz kata'uan-Nu péléng an até né tou. Niitumo, ituzu'mé wia ni kai séi si péléngen-Nu im wia sé zua tou kenu.

Kisah Rasul-rasul 11:10

Niia é nimakatelu i nimamualima. Ing kamurian niitu péléng é nimawénéta sumaup mangé witi langit.

Kisah Rasul-rasul 15:8

Si Opo Empung si mata'u péléng an até né tou é nimapaileko i sé tou zéi'kan Yahudi é sinungkul-Namo. Ni Sia simungkul ni séra karia i niméhéma si Roh Lenas tanu si méiwéhé-Namé wia ni kita.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.

1 Petrus 1:6

Niitumo ni kamu é mahpaa-paazola, zozo' in tarékan un até niou é rumara im wana am pema'wa'en an zéi'kan mauréma.

2 Petrus 3:1

Katuari-katuari ikararaatéku, um pinantikku kenu ém pinantik kazua u méiwéhé wia ni kamu. Im witu un zua pinantik kenu, ni aku é nimahtututu' i mapagenang wia ni kamu wo ang genang niou ém weresi.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.

Wahyu 3:19

Sé tou ikararaaté-Ku éng kakoro'ang-Ku wo ukumeng-Ku sa séra simala'. Niitumo, ni kamu én uli-ulit mahkiitla si Opo Empung wo itula'umola a singkéla' niou.