Yohanes 21:15 - Taaz Weru Witu u Nunuwu'en Tombulu

¹⁵ Makasampetla séra ing kiman, a si Yesus kumuala wia si Simon Petrus, “Simon oki' ni Yohanes, apa u raraatéannu wia ni Aku é lumouspé'mé u raraatéan né tou kenu wia ni Aku?” Wingkotela ni Petrus wia ni Sia, “Ulit Tuang, Kata'uan-Numo i ni aku é rumaraaté ni Ko.” Kuan ni Yesus wia ni sia, “Piarala sé domba-Ku.”

Yohanes 21:15 Iomraidhean Croise

Matius 10:37

Séi uman si rumaraaté si ama' wo si ina'na lumousé u raraatéanna wia ni Aku, ni sia én zéi'kan wangun ing kumiit ni Aku. Wo séi uman si rumaraaté sé oki'na, tuama kaapa wéwéné lumousé u raraatéanna wia ni Aku, ni sia kangkasii én zéi'kan wangun ing kumiit ni Aku.

Matius 16:17

Ang kuan ni Yesus wia si Simon, “Mahpaa-paazla ni ko Simon oki' ni Yunus pahpaan zéi'kan si tou si kimua niitu wia ni ko, taan si Ama'-Ku si witi kasendukan.

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 26:33

A mingkotla si Petrus wia si Yesus, “Zozo' ni séra péléng tumingkasa tumula'uma ni Ko, taan ni aku én zéi'kan mahwangu-wangunla un téntu.”

Matius 26:35

Taan kuan ni Petrus wia ni Sia, “Zozo' ni aku léwo'zéi' i maté karia-Mu, ni aku én zéi'kan kumélong ni Ko.” Péléng sé pahtuzu'en ni Yesus walina kasii éng kimuala in téntu.

Markus 14:29

Ang kuan ni Petrus wia si Yesus, “Zozo' ni séra péléng tumingkasa tumula'uma ni Ko, taan ni aku én zéi'kan masar téntu.”

Lukas 12:32

Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Lukas 22:32

Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”

Yohanes 1:42

Si Simon é méipahwalima ni Andreas wia si Yesus. I si Yesus nimileka wia si Simon a Sia kumua, “Ni ko é Simon, oki' ni Yohanes. Ni ko é mangaranan Kefas (Kefas é masuat wo Petrus).”

Yohanes 13:37

Ang kuan ni Petrus wia ni Sia, “Tuang, kaa ni aku zéi'kan mata'u kumiit ni Ko in tarékan? Ung katou-touangku én iayoku pahpaan ni Ko!”

Yohanes 16:27

si Ama' in esa é rumaraaté ni kamu, pahpaan ni kamu é rimaraatémola ni Aku wo ma'éman i ni Aku ém wia si Opo Empung a méyé.

Yohanes 21:12

Kuan ni Yesus wia ni séra, “Mémo kuman.” Im wia ni séra, zéi'kan siapa si wuaya i lumigau wia ni Sia, “Séi Ko wé?” Pahpaan kata'uan néramo i ni Sia é si Yesus Tuang néra.

Yohanes 21:7

A si pahtuzu'en si karaaté ni Yesus itii kumuama wia si Petrus, “Ni Sia én Tuang.” I si Petrus timalingama i ni Sia én Tuang, a sia kumaraila pahpaan ni sia é rimonai ang kumonta'ma witu un zano.

Yohanes 8:42

Kuan ni Yesus wia ni séra, “Sa si Opo Empung én Ama' niou, ni kamu é marumaraaté ni Aku, pahpaan ni Aku ém wia si Opo Empung a méyé wo in tarékan ni Aku ém wia'i. Ni Aku i niméyé én zéi'kan pahpaan um paaz-Ku in esa, taan ni Siamo si nimatumé ni Aku.

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

Kisah Rasul-rasul 20:29

Totoz ing kata'uangku sa kamu itula'ukumoma, sé tou léwo' sé tanumokan sé serigala totoz léwo' é méyé witu un unez niou. Wo ni séra é mahtututu' i mékumayo' sé jamaat sé pahtéizan niou itii.

Roma 14:1

Sungkulela sé tou zéi'kan tahlous enté' um pa'émanenna wo tia' mahzéi-zéi'an karia néra.

Roma 15:1

Ni kita sé enté'mo um pa'émanen é léwo'zéi' in ezen im wana an zéi'kan enté' né tou zéi'kan enté' um pa'émanen néra, tia' ni kita menéro uman u mahpaa-paazta in esa.

1 Korintus 8:11

Karia in téntu si tou zéi'kampé' enté' um pa'émanenna én ikaléwo' pahpaan ang kata'uan niou. Un ulitna ni sia éng katuari niou esa pa'émanen wo si Kristus kangkasii nimaté wia ni sia.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

Efesus 6:24

Ung kamang tatambér ni Opo Empung é menaté-natér ni kamu péléng sé zéi'kan mazéi' i rumaraaté si Yesus Kristus Mahpiarata.

Ibrani 13:20

In tarékan si Opo Empung si mahwéhémé ung kaluasan witu un até én timoumomé sumaup si Yesus im wia sé nimaté. Si Yesus si Mahpiarata ém winangun ni Opo Empung i maéndo menanatér sé tou-Na, si totoz wangko', tanu si memimiara sé domba, si totoz pahsigi'en. Wo un zaha'-Na é nimangun um pinataazan ni Opo Empung karia né tou makaz ing kauré-uré.

Ibrani 4:13

Zozo' in esa én zéi'kan siapa sé winangun-Na sé méikawuni im witu u sinaru-Na. Pahpaan péléng am péléng éng kaile-ilekan-Na, niitumo ni kita péléng é léwo'zéi' makaulit wo mengali am wua'na am pemuali-mualinta witu u sinaru-Na.

1 Petrus 1:8

Zozo' ni Sia én zéi'kampé' pinahile-ilek nioula, taan ni Sia én ikararaaté niou. Wo maan in tarékan kasii ni Sia én zéi'kampé' pahileken niou, taan ni Sia ém pa'émanen niou. U mahpaa-paaz niou én zéi'kan kakuaan pahpaan niitu ém wangko'.

1 Petrus 2:2

Tanumokan si taré itoumé si sekezé é mekisusu, ni kamu kangkasii é léwo'zéi' im paaz un uli-ulit Nuwu' ni Opo Empung um witi kasendukan a méyé. Pahpaan karia in téntu ni kamu é mahtou wo ipiloté im witu un ukuman wana a singkéla'.

1 Petrus 2:25

Pahpaan im puuna ni kamu é masuat wo sé domba méikalulu, taan in tarékan ni kamu é nimawurimomé sumaup wia si Opo Empung, si memimiara sé domba wo mahpiara si roh niou.

1 Yohanes 4:19

Ni kita é rumaraaté, pahpaan si Opo Empung si puuna rimaraatémo ni kita.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.