Yohanes 21:12 - Taaz Weru Witu u Nunuwu'en Tombulu

¹² Kuan ni Yesus wia ni séra, “Mémo kuman.” Im wia ni séra, zéi'kan siapa si wuaya i lumigau wia ni Sia, “Séi Ko wé?” Pahpaan kata'uan néramo i ni Sia é si Yesus Tuang néra.

Yohanes 21:12 Iomraidhean Croise

Matius 22:46

Zéi'kan siapa zozo' in esa si makawawa i mingkot um peligauen ni Yesus itii. Rengané in toro niitu, zéi'mo siapa zozo' in esa si wuaya i lumigau wia ni Sia.

Markus 9:32

Sé pahtuzu'en ni Yesus én zéi'kan makatulap ung kalakoan u méikua-Namé, taan katéntu néra i lumigau niitu wia ni Sia.

Lukas 9:45

Taan sé pahtuzu'en ni Yesus én zéi'kan makatulap ung kalakoan u méikua-Namé. Ung kalakoan u méikuamé ni Yesus é méikawunipé' im wia ni séra, niitumo zéi'kan katulapan néra ung kalakoana. Taan ni séra é maindé' i lumigau wia ni Sia.

Yohanes 16:19

Kata'uan ni Yesus i ni séra ém wéwéhan um peligauen wia ni Sia, a Sia kumuama wia ni séra, “Apa um pahnuwu'en niou én tumoro un taré ikua-Kuma in, ‘Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup?’

Yohanes 21:11

Si Simon Petrus sumakéma witu u londéi ang kéhongenamé u lolombo' itii méitembiré. U lolombo' itii é mawuta-wuta sé seza' tua'na, sé sana atus limana pulu' wo telu ung kalakezna wo zozo' in téntu u lolombo' itii én zéi'kan nimarentas.

Yohanes 21:15

Makasampetla séra ing kiman, a si Yesus kumuala wia si Simon Petrus, “Simon oki' ni Yohanes, apa u raraatéannu wia ni Aku é lumouspé'mé u raraatéan né tou kenu wia ni Aku?” Wingkotela ni Petrus wia ni Sia, “Ulit Tuang, Kata'uan-Numo i ni aku é rumaraaté ni Ko.” Kuan ni Yesus wia ni sia, “Piarala sé domba-Ku.”

Yohanes 4:27

In toro niitu a mawurimé sé pahtuzu'en-Na. Sé pahtuzu'en-Na é mengompo' i nimilekla si Yesus mahsirita karia ni wéwéné. Taan zéi'kan siapa zozo' in esa si limigaula wia si wéwéné itii, “Apa ung kapaazmu?” Kaapa wia si Yesus, “Apa um pahsiritan-Nu karia ni wéwéné itii?”

Kisah Rasul-rasul 10:41

Taan zéi'kan péléng sé tou Yahudi toro nimilek ni Sia. Akaz uman sé pinéléngo ni Opo Empung rengan ing kataré-taré sé toro nimilek wo makumua am pina'ilek néra. Ni kaimo sé tou itii sé kimano wo nimelepo karia-Na, kumawusa Sia i méitoumé sumaup ni Opo Empung im wia sé nimaté.