Yohanes 21:10 - Taaz Weru Witu u Nunuwu'en Tombulu

¹⁰ Kuan ni Yesus wia ni séra, “Aliané seza' woopira, sé taré kailekan nioué itii.”

Yohanes 21:10 Iomraidhean Croise

Lukas 24:41

Taan ni séra én zéi'kampé' ma'éman pahpaan sé totoz mahpaa-paaz wo mengusi-ngusingsingpé'. Ang kuan ni Yesus wia ni séra, “Wéwéhan kakanen kamu im wia'i?”

Yohanes 21:11

Si Simon Petrus sumakéma witu u londéi ang kéhongenamé u lolombo' itii méitembiré. U lolombo' itii é mawuta-wuta sé seza' tua'na, sé sana atus limana pulu' wo telu ung kalakezna wo zozo' in téntu u lolombo' itii én zéi'kan nimarentas.

Yohanes 21:13

A si Yesus rumétéma wia ni séra, méndomé u roti an iwéhé-Nama u roti itii wia ni séra, téntu kasii um winangun-Na wia si seza'.

Yohanes 21:9

I ni séra méikaayomola witu un tembir u louz, ni séra nimilek um wahana un api wo um witu um wawona ém wéwéhan seza' wo roti.

Yohanes 6:11

Tumondong niitu si Yesus méndomé u roti itii ang kumuama u makasé wia si Opo Empung, am peméténg-Nama u roti itii wia sé tou rimumez witu. Téntu kangkasii um winangun-Na wia sé seza' itii wo ni séra kiman makaz nimawesuh.

Yohanes 6:9

“Im wia'i ém wéwéhan si tolé oki' mahali-ali u roti jelai lima wo sé seza' zua, taan apa niitu awes iwéhé wia sé tou téntu ung kalakez?”