Yohanes 21:1 - Taaz Weru Witu u Nunuwu'en Tombulu

¹ Tumondong niitu a si Yesus mapailek kasii un tou-Na wia sé pahtuzu'en-Na witi tembir Louz Tiberias. Téntii u nimamuali:

Yohanes 21:1 Iomraidhean Croise

Matius 26:32

Taan ni Aku i méitoumomé sumaup ni Opo Empung, ni Aku é mangé witi Galilea puunala ni kamu.”

Matius 28:16

Sé mapulu' wo esa pahtuzu'en ni Yesus nimangé witi Galilea, witi kimeleng u méituzu'ma ni Yesus in angéan néra.

Matius 28:7

Mahrewekola, wo maikuala wia sé pahtuzu'en-Na, ni Sia é méitoumomé sumaup ni Opo Empung im wia sé nimaté. Ni Sia é nimapuunamoma im wia ni kamu i nimangé witi Galilea. Im wana ni kamu é mamilek ni Sia. Totoz gena-genangen a méikuakuma wia ni kamu!”

Markus 16:12

Kumawusa niitu, i sé zua pahtuzu'en ni Yesus melampang mondol im witi wanua tua'na, si Yesus nimapailek un tou-Na wia ni séra taan ni Sia én zéi'kan kinana'uan nérala pahpaan ni Sia ém pahilekeno im walina.

Markus 16:14

Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.

Markus 16:7

Niitumo in tarékan mangémo, maikuala wia sé pahtuzu'en-Na, wo wia si Petrus in téntii, ‘Ni Sia é nimapuunamoma i nimangé witi Galilea. Im wana ni kamu é milek ni Sia tanu u mémoikua-Na wia ni kamu.’ ”

Yohanes 21:14

Niitu péléng éng katelumo si Yesus nimapailek un tou-Na wia sé pahtuzu'en-Na kumawusa ni Sia i méitoumé sumaup ni Opo Empung im wia sé nimaté.

Yohanes 6:1

Tumondong niitu si Yesus mangé witi leweta u Louz Galilea um pahkuan kangkasii Louz Tiberias.

Yohanes 6:23

Karegas niitu a mawitula um woopira londéi walina am witi Tiberias a méyé. Ni séra méikaayola witi rété un tampa né tou lakez ing kiman u roti tumondongla si Yesus ing kimuama u makasé.

Kisah Rasul-rasul 1:3

Wia sé aatu-Na kenu, kumawusa Sia im pinahzézéhamé makaz nimaté, ni Sia nimapailek un tou-Na un tumuzu'mé i ni Sia én uli-ulit menou-nou. Im witu un epatna pulu' endo, ni Sia é menau-naup i nimapaileka un tou-Na wo nimahnuwu'ma wia ni séra tumoro ung Kakolanoan ni Opo Empung.