Yohanes 20:8 - Taaz Weru Witu u Nunuwu'en Tombulu

⁸ Tumondong niitu, a muntepa si pahtuzu'en walina itii, si puuna méikaayoma witi linewengan. Ni sia nimuntepa a mamilek a ma'éman.

Yohanes 20:8 Iomraidhean Croise

Lukas 16:31

Ang kuan ni Abraham wia ni sia, ‘Sa zéi'kan pahtalingan néra a méipahkua ni Musa wo né nabi, ni séra kasii é soo ma'éman, zozo'pé' si tou nimatémo an itoumé sumaup im wia sé nimaté si mahkua niana.’ ”

Yohanes 1:50

A si Yesus kumuama, “Apa pahpaan ni Aku ing kimuala, ‘Ni Aku nimilek ni ko simuut witu ung kai ara’, ang ko ma'éman? Ni ko é mamilek a mamuali a lumouspé'mé niitu.”

Yohanes 20:25

Niitumo, sé pahtuzu'en walina éng kimua wia ni sia, “Ni kai é nimileko si Tuang!” Taan si Tomas éng kimuala wia ni séra, “Sa zéi'kampé' niilekula um walulangna um pinakuan witu u lengen-Na wo timeptepa un tutundu'ku witu um walulang um pinakuan itii, wo sa zéi'kampé' timeptepla un tutundu'ku witu um wentuhan-Na, ni aku én zéi'kampé' ma'éman.”

Yohanes 20:29

Kuan ni Yesus wia ni sia, “Pahpaan ni ko nimilekomé ni Aku, niitumo ni ko ma'éman. Mahpaa-paazla sé tou zéi'kan nimilek taan ma'éman.”

Yohanes 20:4

Ni séra zua éng kimara'ma mahwali-wali, taan si pahtuzu'en walina itii éng kimara'ma rumorotpé'mé si Petrus, niitumo si pahtuzu'en walina itii si puuna méikaayoma witi lelewengan.