Yohanes 20:28 - Taaz Weru Witu u Nunuwu'en Tombulu

²⁸ A si Tomas mingkotla wia ni Sia, “O Tuang wo Opo Empungku!”

Yohanes 20:28 Iomraidhean Croise

Matius 14:33

Sé tou witu u londéi é mahongkot wo mahsigi' si Yesus, kuan néra, “Ni Ko én uli-ulit Oki' ni Opo Empung.”

Lukas 24:52

Séra kumuruzla ung gio makaz witu un tana' i mahsigi' ni Sia. A séra mawurima witi Yerusalem karia totoz i mahpaa-paaz.

Yohanes 1:1

Ing kataré-taré, puunala ung kaayahan im winangun, u Nuwu' ni Opo Empung ém wiamo. U Nuwu' ni Opo Empung é mengari-ngaria si Opo Empung wo ni Sia é si Opo Empung in esa.

Yohanes 20:16

Kuan ni Yesus wia ni sia, “Maria!” A luméngéhma si Maria wia ni Sia karia i mahkua wia ni Sia witu ung kukuan Ibrani, “Rabuni!”, ung kalakoana é Méster.

Yohanes 20:27

A Sia kumuala wia si Tomas, “Iteptepé un tutundu'mu wia'i wo ilekenola u lengen-Ku. Iayomé u lengenmu wo iteptepé un tutundu'mu witu u wentuhan-Ku wo tia'mo kasii ni ko zéi'kan ma'éman taan ma'émanola.”

Yohanes 20:29

Kuan ni Yesus wia ni sia, “Pahpaan ni ko nimilekomé ni Aku, niitumo ni ko ma'éman. Mahpaa-paazla sé tou zéi'kan nimilek taan ma'éman.”

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 5:23

Niitu ém winangun ni Ama' wo péléng sé tou é mahsigi' si Oki' tanu ni séra i mahsigi' si Ama'. Si tou zéi'kan mahsigi' si Oki', ni sia kangkasii én zéi'kan mahsigi' si Ama' si nimatumé si Oki'.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”