Yohanes 20:26 - Taaz Weru Witu u Nunuwu'en Tombulu

²⁶ Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!”

Yohanes 20:26 Iomraidhean Croise

Matius 17:1

I limangkoioma enemna endo, a si Yesus tumawahmé si Petrus karia né zua mahtuari, si Yakobus wo si Yohanes, i sumosoz karia-Na mangé witi kentur rakék. Im witu é ni séra uman.

Markus 16:14

Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.

Lukas 24:36

Karegas séra i mahsirita tumoro niitu, kumompo'mé si Yesus é rimendaio witu un unez néra ang kumua wia ni séra, “Ung kaluasan witu un até é menaté-natér ni kamu!”

Lukas 9:28

Woo waluna endomo si Yesus ing kimuama niana, an ipahwali-Nama si Petrus, si Yohanes wo si Yakobus sumosoza mangé witi kentur i mamengaléi.

Yohanes 11:16

A si Tomas, si pahkuan Didimus, kumuama wia sé kakariana, sé pahtuzu'en walina, “Méyémo kita kasii mangé i maté karia-Na.”

Yohanes 14:27

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Yohanes 20:19

In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!”

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 21:1

Tumondong niitu a si Yesus mapailek kasii un tou-Na wia sé pahtuzu'en-Na witi tembir Louz Tiberias. Téntii u nimamuali:

Yohanes 21:14

Niitu péléng éng katelumo si Yesus nimapailek un tou-Na wia sé pahtuzu'en-Na kumawusa ni Sia i méitoumé sumaup ni Opo Empung im wia sé nimaté.

Kisah Rasul-rasul 1:3

Wia sé aatu-Na kenu, kumawusa Sia im pinahzézéhamé makaz nimaté, ni Sia nimapailek un tou-Na un tumuzu'mé i ni Sia én uli-ulit menou-nou. Im witu un epatna pulu' endo, ni Sia é menau-naup i nimapaileka un tou-Na wo nimahnuwu'ma wia ni séra tumoro ung Kakolanoan ni Opo Empung.