Yohanes 20:2 - Taaz Weru Witu u Nunuwu'en Tombulu

² A sia kumara'mé menéro si Simon Petrus wo si pahtuzu'en ni Yesus si ikararaaté-Na, a mahkua wia ni séra, “Si Tuang é niéndomoma né tou im witu u lelewengan-Na wo u zinetaan ni Sia én zéi'kan kata'uan nai.”

Yohanes 20:2 Iomraidhean Croise

Yohanes 13:23

Si esaané im wia sé pahtuzu'en ni Yesus, si ikararaaté-Na, rimumez totoz rété witu ung kakan-Na.

Yohanes 19:26

I niilekla ni Yesus si Maria ina'-Na wo si pahtuzu'en si ikararaaté-Na witu ung kasaru ni Maria, a Sia kumuama wia si ina'-Na, “Ina', kenumo si oki'mu!”

Yohanes 20:13

Kuan né malaekat itii wia ni sia, “Ina', kaa ko mahamé'?” Ang kuan ni Maria wia ni séra, “Si Tuangku é niéndomoma né tou wo zéi'kan kata'uangku wisa u zinetaan ni Sia.”

Yohanes 20:15

Ang kuan ni Yesus wia ni sia, “Ina' kaa ko mahamé'? Séi wé si pahpenéronu?” Si Maria é mahgenangla i si tou itii é si tou mahwendu un uma, ang kuana wia si tou itii, “Ama', sa si Ama' si niméndoma ni Sia, ikuamé wia ni aku wisa u zinetaanu ni Sia, wo ni aku toro méndo ni Sia.”

Yohanes 20:9

Pahpaan makazla in toro niitu ni séra én zéi'kampé' makatulap u méipantik witu um Pinantik Lenas i ni Sia é léwo'zéi' in itou sumaup ni Opo Empung im wia sé nimaté.

Yohanes 21:20

I si Petrus liméngéhma, ni sia nimilek i si pahtuzu'en ikararaaté ni Yesus é mahkiita ni séra, ni sia é si pahtuzu'en si rimumez witu ung kasaru ni Yesus i ni séra mahkan mahwali-wali wo kimuala, “Tuang, séi sia wé si mayo ni Ko?”

Yohanes 21:24

Ni siamo si pahtuzu'en si mahkuama an niilek wo an tinalingana tumoro niia péléng wo si nimantiko, wo kata'uanta sa am pahkuana tumoro a niilek wo an tinalingana én ulit.

Yohanes 21:7

A si pahtuzu'en si karaaté ni Yesus itii kumuama wia si Petrus, “Ni Sia én Tuang.” I si Petrus timalingama i ni Sia én Tuang, a sia kumaraila pahpaan ni sia é rimonai ang kumonta'ma witu un zano.