Yohanes 20:19 - Taaz Weru Witu u Nunuwu'en Tombulu

¹⁹ In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!”

Yohanes 20:19 Iomraidhean Croise

Matius 10:13

Sa kamu sungkulen nérala, ni séra é makailek ung kamang witu u sigi' niou. Taan sa kamu zéi'kan sungkulen nérala, ung kamang witu u sigi' niou é mawurimé sumaup wia ni kamu.

Matius 18:20

Pahpaan sa wéwéhan zua kaapa telu tou sé nimaréwok i mengaléi karia u ngaran-Ku, ni Aku kangkasii é memali-mali karia néra.”

Markus 16:14

Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.

Yohanes 14:27

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Yohanes 16:22

Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 20:26

Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!”

Yohanes 21:1

Tumondong niitu a si Yesus mapailek kasii un tou-Na wia sé pahtuzu'en-Na witi tembir Louz Tiberias. Téntii u nimamuali:

Yohanes 21:14

Niitu péléng éng katelumo si Yesus nimapailek un tou-Na wia sé pahtuzu'en-Na kumawusa ni Sia i méitoumé sumaup ni Opo Empung im wia sé nimaté.

Yohanes 7:13

Taan zéi'kan siapa zozo' in esa si wuaya ing kumua tumoro ni Sia witu u sinaru né tou lakez, pahpaan ni séra é maindé' wia sé tonaas né tou Yahudi.

Kisah Rasul-rasul 1:3

Wia sé aatu-Na kenu, kumawusa Sia im pinahzézéhamé makaz nimaté, ni Sia nimapailek un tou-Na un tumuzu'mé i ni Sia én uli-ulit menou-nou. Im witu un epatna pulu' endo, ni Sia é menau-naup i nimapaileka un tou-Na wo nimahnuwu'ma wia ni séra tumoro ung Kakolanoan ni Opo Empung.

Roma 15:33

Si Opo Empung si mahwéhémé ung kaluasan witu un até é menaté-natér ni kamu péléng! Amin.

1 Korintus 15:5

i ni Sia nimapaileko un tou-Na wia si Petrus, tumondong niitu wia sé mapulu' wo zua pahtuzu'en-Na.

Efesus 2:14

Pahpaan si Kristus uman si nimangun ni kita péléng mahlé'o-lé'osan. Ni Sia si nimangun sé tou Yahudi karia né tou zéi'kan Yahudi nimaesaan karia i nimayoma un tou-Na in esa un tanumokan ing kimemuma u réhén mésel u nimangun ni kita nimatampasan. U réhén mésel itii ém pahéndo-éndoan.

Efesus 6:23

Mengalé-ngaléi uman si Opo Empung si Ama' wo si Yesus Kristus Mahpiara é menaté-natéré ni kamu péléng wo ni kamu mahlé'o-lé'osan wo mahraa-raatéan wo zéi'kan mazéi' i ma'éman wia si Kristus.

Filipi 1:2

Mengalé-ngaléi uman ung kamang tatambér wo ung kaluasan witu un até, um wia si Opo Empung, si Ama'ta wo wia si Yesus Kristus Mahpiara é menaté-natér ni kamu.

2 Tesalonika 3:16

Si Opo Empung si mahwéhémé ung kaluasan witu un até é meméhé-méhémé ung kaluasan witu un até niou im wana am péléng. Mengalé-ngaléi uman ni Sia sekezé é menaté-natér ni kamu péléng.

Ibrani 7:2

Wia ni siamo kasii si Abraham niméhé u sana pahpulu' im wana péléng ang kinahatnamé i nimahkoro'mé. U ngaran Melkisedek ung kalakoana éng “Kolano si zéi'kan mahsanaweka”, wo ni sia kasii éng kolano witi wanua tua'na Salem, ung kalakoana éng kolano si paaz u mahlé'o-lé'osan.

3 Yohanes 1:14

Ni aku é mahéré'la i rewek mahilekan kariamu wo sumirita nimasaruan.

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,