Yohanes 20:13 - Taaz Weru Witu u Nunuwu'en Tombulu

¹³ Kuan né malaekat itii wia ni sia, “Ina', kaa ko mahamé'?” Ang kuan ni Maria wia ni séra, “Si Tuangku é niéndomoma né tou wo zéi'kan kata'uangku wisa u zinetaan ni Sia.”

Yohanes 20:13 Iomraidhean Croise

Lukas 24:17

Si Yesus kumua wia ni séra, “Apa um pahsiritan niou karegas i mahlampang?” A séra mento'la taan ung gio néra én tekur.

Yohanes 19:26

I niilekla ni Yesus si Maria ina'-Na wo si pahtuzu'en si ikararaaté-Na witu ung kasaru ni Maria, a Sia kumuama wia si ina'-Na, “Ina', kenumo si oki'mu!”

Yohanes 2:4

A si Yesus mingkotla, “Ma', kaa ko kimuamé téntu wia ni Aku? Zéi'kampé' orasna ni Aku mapata'u séi ni Aku.”

Yohanes 20:15

Ang kuan ni Yesus wia ni sia, “Ina' kaa ko mahamé'? Séi wé si pahpenéronu?” Si Maria é mahgenangla i si tou itii é si tou mahwendu un uma, ang kuana wia si tou itii, “Ama', sa si Ama' si niméndoma ni Sia, ikuamé wia ni aku wisa u zinetaanu ni Sia, wo ni aku toro méndo ni Sia.”

Yohanes 20:2

A sia kumara'mé menéro si Simon Petrus wo si pahtuzu'en ni Yesus si ikararaaté-Na, a mahkua wia ni séra, “Si Tuang é niéndomoma né tou im witu u lelewengan-Na wo u zinetaan ni Sia én zéi'kan kata'uan nai.”

Kisah Rasul-rasul 21:13

Taan si Paulus nimingkot umané, “Kaa kamu mahamé', taka-takazan nimangun un atéku i rumara? Ni aku én zéi'kan uman paaz in apusen taan ni aku kangkasii ém paaz i maté witi Yerusalem pahpaan i mahwoka' u ngaran ni Yesus Mahpiara.”