Yohanes 2:9 - Taaz Weru Witu u Nunuwu'en Tombulu

⁹ Am pé'anala ni mahime-imek um pésta itii un zano nimaéndomo anggor itii, zéi'kan kata'uanna wisa a méyé un anggor itii, taan sé menenelewir, sé simahapé un zano itii é mata'u. An tawahennamé si brédégom,

Yohanes 2:9 Iomraidhean Croise

Matius 27:34

Ni Sia ém winéhan nérala un anggor sinembor un apezuh in elepen. Im piné'anan-Nala un anggor esem itii, ni Sia é soo i melep niitu.

Matius 9:15

A séra wingkotela ni Yesus, “Sa si brédégom ém witipé' pahpéstaan karia né kakariana, toro wé sé kakariana i mahpengasi'? Taan un orasna é méyé, si brédégom in éndon im wia ni séra. In toro niitumo ni séra mahpuasa.

Yohanes 2:8

Tumondong niitu, si Yesus kumuala wia ni séra, “Tarékan sahapané wo pahalina wia si mahime-imek um pésta.” Am pahali nérama un zano itii wia ni sia.

Yohanes 4:46

A si Yesus mawurima witi Kana um witi Galilea. I makasa si Yesus é nimanguné un zano maéndo anggor im witu. Im witi Kapernaum ung karétékan ung Kana ém wéwéhan si mahpaayang witi istana, si oki'na tuama é saki.

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.