Yohanes 2:21 - Taaz Weru Witu u Nunuwu'en Tombulu

²¹ Taan um Walé ni Opo Empung um pahza'i-Nala én awak-Na in esa.

Yohanes 2:21 Iomraidhean Croise

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 2:22

Niitumo, kumawusa si Yesus i méitoumé sumaup ni Opo Empung im wia sé nimaté, sé pahtuzu'en-Na é méikagenanga i niitu é méikua-Namola wo ni séra kangkasii é nima'éman um Pinantik Lenas wo wana a méikua ni Yesus.

1 Korintus 3:16

Zéi'kan kata'uan niou wé i ni kamu ém Walé ni Opo Empung wo si Roh ni Opo Empung é mahento' wia ni kamu.

1 Korintus 6:19

Totoz kata'uan niou sa un awak niou ém walé ni Roh Lenas, si mahento' wia ni kamu. Si Roh Lenas itii é méiwéhé ni Opo Empung wia ni kamu. Niitumo, un tou niou én zéi'mo anu niou, anumo ni Opo Empung.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

Kolose 1:19

Witu um paaz ni Opo Empung péléng a nimalekepo im wia ni Sia ém wiamo si Kristus.

Kolose 2:9

Pahpaan péléng am wia si Opo Empung ém wiamo si Kristus, i ni Sia nimaéndo tou uman.

Ibrani 8:2

Ni Sia si mahpaayang am paayangen ni Walian Wangko' witi tampa totoz lenas witi ténda pahento'an ni Opo Empung witi kasendukan. Un ténda itii ém winangun ni Opo Empung, zéi'kan winangun né tou.