Yohanes 2:2 - Taaz Weru Witu u Nunuwu'en Tombulu

² Si Yesus wo sé pahtuzu'en-Na kangkasii éng kinua i mangé witi pésta kawéng itii.

Yohanes 2:2 Iomraidhean Croise

Matius 12:19

Ni Sia én zéi'kan mangé mahzéi-zéi'an karia né tou walina kaapa mengéré-ngérét sé tou, wo sé tou wana a lalan kangkasii én zéi'kan tumalinga an ipahnuwu'-Na, i ni Sia mahnuwu' wana a lalan.

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Matius 25:45

Ni Sia é mingkot wia ni séra, ‘Uli-ulit ikua-Kuma wia ni kamu, péléng an zéi'kan winangun niou wia si esaané im wia sé katuari-Ku sé totoz roros kenu, ni kamu kangkasii én zéi'kan nimangun niitu wia ni Aku.’

Yohanes 2:12

Kumawusa niitu si Yesus nimangé witi Kapernaum karia ni ina'-Na wo sé katuari-Na wo sé pahtuzu'en-Na. Ni séra é nimento' witu woopirana endo uman.

Yohanes 2:17

Ang kagenangala né pahtuzu'en ni Yesus u méipantik witu um Pinantik Lenas, “U raraatéang-Ku witu um Walé-Mu, o Opo Empung, nimangun un até-Ku wuaya tanumokan un api i mahlayas.”

Yohanes 2:22

Niitumo, kumawusa si Yesus i méitoumé sumaup ni Opo Empung im wia sé nimaté, sé pahtuzu'en-Na é méikagenanga i niitu é méikua-Namola wo ni séra kangkasii é nima'éman um Pinantik Lenas wo wana a méikua ni Yesus.

Yohanes 2:3

I nimaapumoma un anggor, ang kumuala si ina' ni Yesus wia ni Sia, “Ni séra éng kinaapuanola anggor.”

Yohanes 3:22

Tumondong niitu, si Yesus karia né pahtuzu'en-Na mangé witi Yudea wo nimento' witu woopirana endo karia néra wo mahsarani sé tou.

Yohanes 4:2

Un ulitna zéi'kan si Yesus si mahsarani taan sé pahtuzu'en-Na.)

Yohanes 4:33

Pahpaano niitu ni séra mahliligauan, “Apa wéwéhano si nimahalimé ung kakanen wia ni Sia?”

Yohanes 4:8

In toro niitu sé pahtuzu'en-Na é nimangémo witi wanua tua'na in tumeles ang kakanen.

Yohanes 6:12

I ni séra péléng kimanola makaz im wesuh, si Yesus kimuala wia sé pahtuzu'en-Na, “Pakaréwokené a nimateza wo tia' wéwéhan a méikatia'.”

Yohanes 6:16

I mahwengimoma, sé pahtuzu'en ni Yesus nimangé witi louz.

Yohanes 6:60

In timalingamoma a méikuama ni Yesus, lakez sé mahkii-kiit ni Sia mahkua, “A méikuamé itii én totoz wutez, séi si toro kumiit a méikuamé itii?”

Yohanes 6:66

Rengané in toro niitu lakez sé mahkii-kiit si Yesus timula'u ni Sia wo soomo kumiit ni Sia.

Yohanes 6:67

A si Yesus kumuama wia sé mapulu' wo zua pahtuzu'en-Na, “Apa ni kamu kasii én tumula'u ni Aku?”

Yohanes 6:70

Kuan ni Yesus wia ni séra, “Zéi'kankuaa ni Aku si niméléng ni kamu sé mapulu' wo zua? Taan, si esaané im wia ni kamu é sétang.”

Yohanes 6:71

Si pahkuan-Nala é si Yudas, oki' ni Simon Iskariot, pahpaan ni siamo si nimangkér si Yesus, zozo' ni sia én esaané wia sé mapulu' wo zua pahtuzu'en itii.

Yohanes 6:8

Si Andreas, si totoz katuari ni Simon Petrus, si esaané im wia sé pahtuzu'en ni Yesus kimuala wia ni Sia,

Yohanes 7:3

Ang kuan né katuari ni Yesus wia ni Sia, “Tia'mo mento' wia'i, mangémo witi Yudea, wo sé mahkii-kiit ni Ko kangkasii mamilek am paayangen pahwangunen-Nu.

Kisah Rasul-rasul 11:26

Ni séra zua é mahento' mahwali-wali karia né jamaat witu, sana ta'un ung kauréna. Im witu ni séra é mahtuzu' tumoro si Yesus wia sé tou lakez. Im witi Antiokhia itiimo ing kataré-taré sé tou ma'éman si Yesus im pahkuan tou Sarani.

Kisah Rasul-rasul 11:29

Tumalingamé niitu, sé tou ma'éman si Yesus én timotozla i ruméwok a sasawang mengiit ung kawawaan ni esa wo ni esa im pahalin wia sé katuari esa pa'émanen sé mahento' witi tana' Yudea.

1 Korintus 10:31

Niitumo, sa kamu kuman kaapa melep kaapa mangunla am walina, wangunen nioula niana péléng i sumigi' wo lumooz si Opo Empung.

1 Korintus 7:39

Si wéwéné kimawéngo én anu ni mahayona sa si mahayona menou-noupé'. Sa si mahayona nimatémoma, si wéwéné itii én zéi'mo anu ni mahayona. Sa si wéwéné zéi'mo siapa mahayo itii paaz kumawéng, ni sia én toro kumaweng karia ni kapaazna, asal uman si tuama itii é ma'éman.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

Ibrani 13:4

Péléng sé tou é léwo'zéi' i mahsigi'la u mahkawéng wo tia' ung kokolo'an maéndo tampa pahsamekan, pahpaan si Opo Empung é mukum sé samek wo sé tou sangaya.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.