Yohanes 2:13 - Taaz Weru Witu u Nunuwu'en Tombulu

¹³ I melelezoma un endo mahpésta um pahkuan Paskah né tou Yahudi, si Yesus nimangé witi Yerusalem.

Yohanes 2:13 Iomraidhean Croise

Matius 21:12

A si Yesus muntepa witi lésaz um Walé ni Opo Empung a mohoma péléng sé tou sé mahwangkér wo mahteles witu. A méja pahsawelan an zoit wo a rurumezan né mahwangkér sé bombo é méitonga'-Nama.

Markus 11:15

A si Yesus karia né pahtuzu'en-Na ikaayoma witi Yerusalem. I ni Sia nimuntepoma witi lésaz um Walé ni Opo Empung, a Sia rengan i moho sé tou mahwangkér wo mahteles witu u lésaz um Walé ni Opo Empung. A méja pahsawelan an zoit wo a rurumezan né mahwangkér sé bombo é méitonga'-Nama.

Lukas 19:45

A si Yesus muntepa witi lésaz um Walé ni Opo Empung an iwoho-Nama péléng sé mahwangkér witu.

Lukas 2:41

Sekez in ta'un, sé tu'a ni Yesus é mengangangé witi Yerusalem ing gumenang un endo Paskah né tou Yahudi.

Yohanes 11:55

In toro niitu un endo Paskah né tou Yahudi zéi'mo uré wo lakez sé tou sé wana am wanua mangé witi Yerusalem i meresi un tou puunala un endo Paskah itii.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 2:23

I si Yesus witi Yerusalem i lumé'os un endo mahpésta né tou Yahudi um pahkuan Paskah, lakez sé tou ma'éman ni Sia pahpaan ni séra é nimileko a makakompo'en am winangun-Na.

Yohanes 5:1

Kumawusa niitu, si Yesus mangé witi Yerusalem, pahpaan in toro niitu én endo wangko' né tou Yahudi.

Yohanes 6:4

In toro niitu, un endo mahpésta né tou Yahudi um pahkuan Paskah én zéi'mo uré.