Yohanes 19:9 - Taaz Weru Witu u Nunuwu'en Tombulu

⁹ A sia muntepa sumaup witi istanana. I si Yesus méipahwalimomé i nimuntepé, a si Pilatus kumuama wia ni Sia, “Wisa Ko a méyé wé?” Taan si Yesus zéi'kan nimingkotla.

Yohanes 19:9 Iomraidhean Croise

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 27:27

Tumondong niitu, si Yesus méipahwalima né suraro ni Pilatus witi istana ni gubernur, an tawahen néramé péléng sé kasuraro néra i maréwoké witu u makaliklik ni Yesus.

Lukas 23:9

Lakez am peligauenna wia si Yesus taan zozo' in esa én zéi'kan siapa u méiwingkot-Nala.

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.

Yohanes 18:33

Si Pilatus nimuntepa sumaup witi istanana, tawahenamé si Yesus a meligau wia ni Sia, “Apa ni Komo si Kolano né tou Yahudi?”

Yohanes 18:34

Ang kuan ni Yesus, “Apa niitu um peligauennu mengiit ung genangmu, kaapa sé tou walina sé kimua tumoro ni Aku wia ni ko?”

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 19:10

Pahpaano niitu si Pilatus kimuala wia ni Sia, “Kaa Ko soo numuwu' wia ni aku? Zéi'kan kata'uan-Nu wé i ni aku ém wéwéhan kawasa i milot ni Ko wo kangkasii wéwéhan kawasa i sumalip ni Ko?”

Yohanes 19:8

In timalingamé u méikua néramé itii, si Pilatus éng kalousnamo i maindé'.

Yohanes 8:14

Kuan ni Yesus wia ni séra, “Zozo' ni Aku mahkua tumoro un tou-Kukan, um pahkua-Ku én ulit, pahpaan kata'uang-Ku, wisa ni Aku a méyé wo wisa un angéang-Ku. Taan ni kamu én zéi'kan mata'u, wisa ni Aku a méyé wo wisa un angéang-Ku.

Filipi 1:28

Niitumo, ni kamu én tia' maindé' wia sé kakoro' niou. Karia séra i nimilekla ni kamu in zéi'kan maindé', niitu tumuzumé i ni séra é maléwo'en ni Opo Empung, wo im wia ni kamu, niitu én tumuzu'mé i ni kamu én ipilot ni Opo Empung im witu un ukuman wana a singkéla'.