Yohanes 19:7 - Taaz Weru Witu u Nunuwu'en Tombulu

⁷ Am wingkotela né tou Yahudi itii wia ni sia, “Ni kai ém wéwéhan un ukum Torat wo mengiit an ukum itii ni Sia é léwo'zéi' ukumen i maté. Pahpaan ni Sia éng kimuamola i ni Sia én Oki' ni Opo Empung.”

Yohanes 19:7 Iomraidhean Croise

Markus 15:39

I si tonaas né sana atus suraro si rimendai simaru u salip ni Yesus nimileka si Yesus ing kinalekepan én téntu u nimamuali, kuana, “Totoz ulit, si Tou kenu én Oki' ni Opo Empung!”

Yohanes 19:8

In timalingamé u méikua néramé itii, si Pilatus éng kalousnamo i maindé'.

Yohanes 5:18

Pahpaano niitu sé tonaas né tou Yahudi én totoz mahtututu' i munu' si Yesus, zéi'kan uman pahpaan ni Sia i simala'mola wana an tinotoz witu un endo Sabat, taan kangkasii pahpaan ni Sia ing kimua i si Opo Empung én Ama'-Na wo karia in téntu pinasuat-Namola un tou-Na karia si Opo Empung.

Kisah Rasul-rasul 18:13

Ang kuan néra wia si gubernur witi Akhaya, “Si tou kenu é mahaker sé tou lakez i mahragés wia si Opo Empung taan zéi'kan masuat wo un ukum Torat.”

Roma 1:4

Wo karia ung kawasa ni Roh Lenas ni Sia é méitoumomé sumaup im wia sé nimaté un tumuzu'mé i ni Siamo si Yesus Kristus Mahpiarata, si Oki' ni Opo Empung si mahkawasa.