Yohanes 19:6 - Taaz Weru Witu u Nunuwu'en Tombulu

⁶ I si Yesus niilekla né tonaas né walian karia né menénéiz um Walé ni Opo Empung, ni séra é mahkérét, “Salipenola Sia, salipenola Sia!” Ang kuan ni Pilatus wia ni séra, “Éndonoma Sia wo kiitola um paaz niou i sumalip ni Sia, pahpaan zozo' in esa én zéi'kan siapa u sinala' kinailekangku im wia ni Sia.”

Yohanes 19:6 Iomraidhean Croise

Matius 26:58

Karegas niitu, si Petrus é mengii-ngiité si Yesus witi zou'ma makaz witi lésaz um walé ni Walian Wangko'. I ni sia nimuntepola witu u lésaz itii, ni sia é marimumez karia né menénéiz um walé ni Opo Empung i mahiilek kura u mamuali wia si Yesus.

Matius 27:22

Ang kuan ni Pilatus wia ni séra, “Sa téntu, apa u léwo'zéi' im wangunengku wia si Yesus, si pahkuan ing Kristus?” Ni séra péléng éng kimérété, “Salipenola Sia!”

Matius 27:24

I si Pilatus nimilekla in zéi'mo siapa un toro wangunenna, taantaré mahrikoka'moma, sia méndomé un zano an zumanola witu u saru-sarun né tou lakez, ang kumuama, “Ni aku én zéi'kan siapa sinala' im witu un zaha' ni tou kenu, ni kamu sé mamengali niitu!”

Lukas 23:4

Ang kuan ni Pilatus wia sé tonaas né walian karia né tou lakez witu, “Zozo' in esa én zéi'kan siapa ung kasumalaan niilekku wia si Tou kenu.”

Yohanes 18:3

A méyé si Yudas witi tampa itii, mahwalimé sé sana réwok suraro né Romawi wo sé woopira tou sé menénéiz um walé ni Opo Empung, sé méiatumé né tonaas né walian wo né sana réwok tou Farisi. Ni séra niméyé é nimahalimé solo, obor wo ang kokoro'.

Yohanes 18:31

Kuan ni Pilatus wia ni séra, “Éndonoma Sia wo matotozela in ulit kaapa zéi'kan um winangun-Na karia un ukum niou in esa.” Ang kuan né tou Yahudi itii, “Ni kai én zéi'kan mata'u mukum si tou i maté.”

Yohanes 18:38

Ang kuan ni Pilatus wia ni Sia, “Apa wé ung kaulitan itii?” I nimakakuamola niitu, si Pilatus nimondola i mahilekan karia né tou Yahudi a mahkua wia ni séra, “Zéi'kan siapa zozo' in esa ung kasumalaan kinailekangku wia ni Sia.

Yohanes 19:15

A séra mahkérét, “Wunu'enola Sia! Wunu'enola Sia! Salipenola Sia!” Ang kuan ni Pilatus wia ni séra, “Paaz kamu wé sa si Kolano niou salipengku?” Ang kuan né tonaas né walian, “Si Kolano nai én esa uman, ni siamo si Kaisar!”

Yohanes 19:4

A mondol kasiima si Pilatus wo mahkua, “Ilekenola, ni Sia méiondolkumé wia ni kamu, wo toro kata'uan nioua i ni aku én zéi'kan nimilekla u sinala' zozo' in esa im wia ni Sia.”

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Kisah Rasul-rasul 7:52

Amoké ikua nioué, im wia sé nabi, séi si zéi'kan zinézéhamé né nimaopo niou? Lumousé niitu, ni séra é nimunu' sé tou sé méiatumé ni Opo Empung sé mahwoka' tumoro si Tou Ulit i méyé. Si Tou Ulit itii é si tinowoan wo winunu' niou.