Yohanes 19:5 - Taaz Weru Witu u Nunuwu'en Tombulu

⁵ A mondolé si Yesus, nimaké poporongen ni kolano um panga rintek menulah am wangunen, wo ung karai tonton monong. A si Pilatus kumuama wia ni séra, “Ilekenoma si tou itii!”

Yohanes 19:5 Iomraidhean Croise

Matius 27:29

A séra mayamla um poporongen ni kolano um panga rintek menulah am wangunen, an iporong nérala wia ni Sia, am pekition nérala teken u lengen-Na kakan. A séra kumuruzla witu u sinaru-Na wo mahséro' wia ni Sia, kuan néra, “Sigi' wangko', é Kolano né tou Yahudi!”

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 19:2

Sé suraro mayamla um poporongen um panga rintek menulah am wangunen, an iporong nérala wia ni Sia. Ni Sia éng kinaraian nérala ung karai tonton monong.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.