Yohanes 19:4 - Taaz Weru Witu u Nunuwu'en Tombulu

⁴ A mondol kasiima si Pilatus wo mahkua, “Ilekenola, ni Sia méiondolkumé wia ni kamu, wo toro kata'uan nioua i ni aku én zéi'kan nimilekla u sinala' zozo' in esa im wia ni Sia.”

Yohanes 19:4 Iomraidhean Croise

Matius 27:19

Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.”

Matius 27:24

I si Pilatus nimilekla in zéi'mo siapa un toro wangunenna, taantaré mahrikoka'moma, sia méndomé un zano an zumanola witu u saru-sarun né tou lakez, ang kumuama, “Ni aku én zéi'kan siapa sinala' im witu un zaha' ni tou kenu, ni kamu sé mamengali niitu!”

Matius 27:4

Kuana, “Ni aku é simingkéla'mola pahpaan nimayo un zaha' ni tou zéi'kan siapa sinala'.” Taan ni séra é nimingkotla, “Azimu! Niitu én zéi'kan kata'uan nai!”

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Lukas 23:4

Ang kuan ni Pilatus wia sé tonaas né walian karia né tou lakez witu, “Zozo' in esa én zéi'kan siapa ung kasumalaan niilekku wia si Tou kenu.”

Lukas 23:41

Ni kita ém wangun in ukumen pahpaan ung kenumo um wawaér wana am pemuali-mualinta, taan si Tou kenu én zéi'kan siapa u sinala' zozo' in esa.”

Lukas 23:47

I si tonaas né sana atus suraro nimilek a nimamuali, a sia mahlooz wo mahsigi' si Opo Empung, kuana, “Totoz ulit, si Tou kenu én zéi'kan siapa sinala'!”

Yohanes 18:33

Si Pilatus nimuntepa sumaup witi istanana, tawahenamé si Yesus a meligau wia ni Sia, “Apa ni Komo si Kolano né tou Yahudi?”

Yohanes 18:38

Ang kuan ni Pilatus wia ni Sia, “Apa wé ung kaulitan itii?” I nimakakuamola niitu, si Pilatus nimondola i mahilekan karia né tou Yahudi a mahkua wia ni séra, “Zéi'kan siapa zozo' in esa ung kasumalaan kinailekangku wia ni Sia.

Yohanes 19:6

I si Yesus niilekla né tonaas né walian karia né menénéiz um Walé ni Opo Empung, ni séra é mahkérét, “Salipenola Sia, salipenola Sia!” Ang kuan ni Pilatus wia ni séra, “Éndonoma Sia wo kiitola um paaz niou i sumalip ni Sia, pahpaan zozo' in esa én zéi'kan siapa u sinala' kinailekangku im wia ni Sia.”

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Ibrani 7:26

Niitumo, si Walian Wangko' téntu si pemandungenta. Pahpaan ni Sia é linenas ni Opo Empung, zéi'kan nimahsala-sala'la, zéi'kan siapa pahséro'an, méikatampas im wia sé tou simingkéla' wo ni Sia é nimakaileko un tampa totoz rakék wo pahsigi'en witi kasendukan.

1 Petrus 1:19

taan ni kamu én tinubuso karia un zaha' ni Kristus un totoz mahal. Si Kristus é masuat wo si anak ni domba si totoz wangun wo zéi'kan siapa um pahséro'an si kerizen in iragés.

1 Petrus 2:22

Witu um pinantik lenas é méipantik in téntii: Ni Sia én zéi'kan nimahwangu-wangunla a singkéla' wo zéi'kan nimahnuwu-nuwu'la an towo.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.