Yohanes 19:38 - Taaz Weru Witu u Nunuwu'en Tombulu

³⁸ Tumondong niitu si Yusuf tou Arimatea mahaléi wia si Pilatus wo sia toro matumumpa un awak ni Yesus. (Si Yusuf é mahkii-kiit si Yesus, taan ni sia mahwuni-wuni uman pahpaan ni sia é maindé' wia sé tonaas né tou Yahudi). Um pahaléien ni Yusuf itii é niénéané ni Pilatus. A sia mangé in timumpamé un awak ni Yesus.

Yohanes 19:38 Iomraidhean Croise

Yohanes 12:42

Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi.

Yohanes 7:13

Taan zéi'kan siapa zozo' in esa si wuaya ing kumua tumoro ni Sia witu u sinaru né tou lakez, pahpaan ni séra é maindé' wia sé tonaas né tou Yahudi.

Yohanes 9:22

Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Kisah Rasul-rasul 13:29

I linekep néramola péléng a méipantik né nabi tumoro ni Sia, a Sia itumpa néramé im witu u salip a Sia maileweng néramé.

Filipi 1:14

Wo pahpaan ni aku im binui, nimangun lakez sé katuari esa pa'émanen éng kaenté'namo um pa'émanen néra wo kawuayana wo zéi'mo maindé' i mahwoka' u Nuwu' ni Opo Empung.