Yohanes 19:30 - Taaz Weru Witu u Nunuwu'en Tombulu

³⁰ Makapé'anla un anggor esem itii, a si Yesus kumuama, “Simampetola.” A Sia tumuktukla an iayo-Nala ung katou-touan-Na.

Yohanes 19:30 Iomraidhean Croise

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 27:50

A si Yesus kuméréta totoz rimez, an iayo-Nala ung katou-touan-Na.

Matius 3:15

Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.

Markus 15:37

A si Yesus kuméréta totoz rimez, a Sia kalekepala.

Lukas 22:37

Ikua-Kuma wia ni kamu, u mémoipantik witu um Pinantik Lenas tumoro ni Aku én totoz malekepen: Ni Sia é mairékén karia né tou léwo'. Pahpaan a mémoipantik tumoro ni Aku é mahmualimo.”

Lukas 23:46

A si Yesus kumérét totoz rimez, “Ama', ung katou-touang-Ku én iayo-Kuma wia ni Ko.” Makakuama niitu a Sia kalekepala.

Yohanes 10:11

Ni Akumo si memimiara sé domba si lé'os uman. Si memimiara domba lé'os é mayo ung katou-touanna pahpaan sé dombana.

Yohanes 10:18

Zéi'kan siapa si toro méndo ung katou-touang-Ku im wia ni Aku, taan ni Aku mayo niitu mengiit um paaz-Ku in esa. Ni Aku é mahkawasa i mayo niitu wo mahkawasa i méndo niitu sumaup. Niiamo um perénta kinailekang-Kumé wia si Ama'-Ku.”

Yohanes 17:4

Ni Aku é nimapaileko ung kawangko'an ni Ama' im wia sé tou wia ung kaayahan kenu karia i simampeta um paayangen u méiwéhé-Mu wia ni Aku im paayangeng-Ku.

Yohanes 19:28

Tumondong niitu, pahpaan ing kata'uano ni Yesus im péléng am paayangen-Na é simampetola, wo u méipantik witu um Pinantik Lenas malekep, ni Sia kimua, “Ni Aku é maré'o!”

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Roma 10:4

Si Kristus limekepo péléng am witu un ukum Torat wia ni kita. Niitumo, péléng sé tou ma'éman wia ni Sia é niéndo ulit ni Opo Empung.

Roma 3:25

Si Kristus Yesus én tinotozo ni Opo Empung i muka u lalan wo sé tou mawurian sumaup karia ni Opo Empung pahpaan ma'éman un zaha'-Na u méikasaroi i sinalip. Niia un tumuzu'mé i si Opo Empung én zéi'kan mahsanaweka. Ni Sia im puuna én ezen im wana a singkéla' né tou taka-takazan ni Sia zéi'kan nimukum ni séra.

1 Korintus 5:7

Pahpaan u ragi én tanu a singkéla' niou. Niitumo, itia'mola u ragi uré itii makaz ni kamu én tanu um wangunen roti zéi'kan rinagian un taré pakasemborena. Kata'uangku ni kamu én ulit téntu. Pahpaan im witu un endo mahpésta né tou Yahudi, ni séra é mahkeriz domba in iragés. In tarékan si Kristus si nimaéndo domba Paskah éng kinerizola an iragés.

Filipi 2:8

Ni Sia in tou uman, méiroros-Na un tou-Na wo mahtali-talinga wia si Opo Empung makaz i nimaté, ni Sia é nimaté witi salip.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 9:22

Mengiit u méipantik witu ung kitap Torat, tawi péléng am péléng én toro weresin karia un zaha'. Wo a singkéla' én zéi'kan wéhan ampungan sa zéi'kan siapa zaha' méikasaroi.