Yohanes 19:27 - Taaz Weru Witu u Nunuwu'en Tombulu

²⁷ Tumondong niitu Sia kumuama wia si pahtuzu'en-Na, “Kenumo si ina'mu!” Rengané in toro niitu si ina' ni Yesus é méipahwalima witi walé ni pahtuzu'en-Na itii.

Yohanes 19:27 Iomraidhean Croise

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Markus 3:34

Werenan-Nama péléng sé tou rimumez limiklik ni Sia ang kuan-Na, “Ni kamu kenumo sé ina' wo sé katuari-Ku!

Lukas 18:28

Ang kuan ni Petrus, “Ilekené ni kai! Ni kai én timula'umomé an anu nai wo kumiit ni Ko.”

Yohanes 1:11

Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Yohanes 16:32

Gena-genangen, un orasna é méyé, lumouspé'tarémé niitu ém wiamo i ni kamu si esa wo si esa isera i mawuri witi walé niou wo tumula'u ni Aku mengesa-ngesa. Taan ni Aku én zéi'kan mengesa-ngesa, pahpaan si Ama' é mengari-ngaria ni Aku.

Kisah Rasul-rasul 21:6

Kumawusa niitu, kai tumuzu'la wia ni séra a sumakéma witu u londéi tua'na. A séra péléng mawurima wana am walé néra.