Yohanes 19:25 - Taaz Weru Witu u Nunuwu'en Tombulu

²⁵ Si ina' ni Yesus wo si wéwéné katuari ni ina' ni Yesus, si Maria mahayo ni Klopas wo si Maria tou Magdala é rimendai witu rété u salip ni Yesus.

Yohanes 19:25 Iomraidhean Croise

Matius 12:46

I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus.

Markus 16:9

In Duminggu im woondo, si Yesus i nimatoumomé sumaup, ni Sia kataré-taré é nimapailek un tou-Na wia si Maria tou Magdala. I makasa si Yesus é nimoho sé sétang pitu im wia ni sia.

Lukas 2:35

Karia in téntu péléng am pegena-genangen né tou é makata'uan. Wo un atému é mamendan u rumara tanumokan im pahrukin karia um pahagi'.”

Lukas 23:49

Péléng sé totoz mata'u si Yesus, méikauntep witu sé wéwéné nimahkiité ni Sia im witi Galilea, rimendai witi zou'ma wo nimilek péléng niitu.

Lukas 24:18

Si esaané im wia ni séra si makangaran Kleopas, mingkotla ni Sia, “Woo ni Ko uman si tou limepuh umané im wia u Yerusalem kenu si zéi'kan mata'u a nimamualima wana an endo ing kamurian kenu?”

Lukas 8:2

wo kasii sé wéwéné woopira. Sé wéwéné itii é sé winohoan ni Yesus sé sétang simelaz wia ni séra wo sé liné'os-Na im wana a saki néra. Si esa im wia sé wéwéné itii é si Maria tou Magdala, sé sétang méiwohomé im wia ni sia ém pitu.

Yohanes 20:1

In endo kataré witu un duminggu itii, im woondopé' karengan, i rimbengbengpé', si Maria tou Magdala nimangé witi linewengan itii. Ni sia nimilek um watu méipalot u linewengan si Yesus itii é mémoikasoro'.