Yohanes 19:20 - Taaz Weru Witu u Nunuwu'en Tombulu

²⁰ Lakez sé tou Yahudi nimaca u méipantik itii, pahpaan u sinalipan si Yesus é rété uman u Yerusalem. Wo u méipantik witu é nunuwu'en Ibrani, nunuwu'en Latin wo nunuwu'en Yunani.

Yohanes 19:20 Iomraidhean Croise

Lukas 23:38

Witu un atas un ulu-Na kasii ém pinantikan: “Si kenumo si Kolano né tou Yahudi”.

Yohanes 19:13

I si Pilatus timalingamé an ipahkua néramé itii, ni sia nimatuma sé tou i mahwalimé si Yesus i mondolé, wo si Pilatus rimumezla witu u rurumezan i mahtotoz in ulit kaapa zéi'kan am pahwangunen né tou. Un tampa itii ém pahkuan Welah Watu. Witu u nunuwu'en Ibrani ém pahkuan Gabata.

Yohanes 19:42

Pahpaan in toro niitu én endo mahsiwo-siwo u Sabat wo u lelewengan é rété uman, niitumo un awak ni Yesus é méileweng néra witu.

Yohanes 5:2

Im witi Yerusalem rété um pepenet tua'na pahkuan “Pepenet Domba” ém wéwéhan ung kolam um witu u nunuwu'en Ibrani pahkuan Bethesda. Im witu ém wéwéhan u lima loloangan.

Kisah Rasul-rasul 21:37

I si Paulus ipahuuntep néramo witi pahento'an mahwali-wali né suraro, ni sia meligau wia si tonaas né sana riwu suraro itii, “Toro ni aku i sumiritama kariamu?” A mingkotla si tonaas né suraro itii, “Mata'u ndéén u nunuwu'en Yunani ko?

Kisah Rasul-rasul 21:40

I ni sia niénéanola i numuwu', a sia rumendaila witu un ahzan a mayata u lengenna wia sé tou lakez itii. I sé tou lakez nimapenesoma, a sia rengan i mahnuwu' wia ni séra karia u nunuwu'en Ibrani, kuana,

Kisah Rasul-rasul 22:2

I sé tou lakez itii mahtalingama si Paulus i mahnuwu'ma karia u nunuwu'en Ibrani, ni séra éng kapenesna. Ang kuan ni Paulus kasii wia ni séra,

Kisah Rasul-rasul 26:14

Ni kai péléng é méikawesahma witu un tana'. Ang katalingaangkumé u nuwu' u mahkuamé wia ni aku karia u nunuwu'en Ibrani, in téntii, ‘Saulus, Saulus kaa Aku pahzézéhannu? Ni ko é masusa sa mahsaru ni Sia si kimawasa wia ni ko.’

Ibrani 13:12

Tanu sé tatamun ém pahtunun witi ondol tampa rinendaian né tou Israel an ténda, si Yesus kangkasii é nimazézéha witi ondolé u Yerusalem i lumenas sé tou-Na karia un zaha'-Na in esa.

Wahyu 16:16

A sé roh léwo' telu itii ruméwoké sé kolano witu un tampa, um witu u nunuwu'en Ibrani ém pahkuan Harmagedon.

Wahyu 9:11

Si kolano néra é si malaekat mahtéiz um woso um patéan. U ngaran ni kolano itii im witu u nunuwu'en Ibrani é ‘Abadon’, wo witu u nunuwu'en Yunani é ‘Apolion’, ung kalakoana é ‘Meléléwo'.’