Yohanes 19:17 - Taaz Weru Witu u Nunuwu'en Tombulu

¹⁷ Si Yesus é nimasaan u salip-Na nimondolé im witi wanua tua'na a mangé witi tampa makangaran Tampa an Tengkora'. Witu u nunuwu'en Ibrani ém pahkuan Golgota.

Yohanes 19:17 Iomraidhean Croise

Matius 10:38

Séi uman si zéi'kan masaan u salipna wo kumiit ni Aku, ni sia én zéi'kan wangun ing kumiit ni Aku.

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Matius 27:37

Witu un atas un ulu-Na ém pinakuan um papang pinantikan ung kinawalian ni Sia i niukum: “Si kenumo si Yesus, si Kolano né tou Yahudi”.

Markus 10:21

Taan si Yesus mileka karia u raraatéan wia si tou itii ang kumuama, “Taan, wéwéhampé' un esa un zéi'kampé' winangunmu. Mangémo, ipakawangkéré péléng an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu, mawurimé wia'i wo kumiitomé ni Aku.”

Markus 15:26

Ung kinawalian si Yesus i niukum é méipantik witu um papang u méipaku witu un atas un ulu-Na: “Kolano né tou Yahudi”.

Markus 15:32

Sa ni Sia é Mesias, si Kolano né tou Israel si méitaaz ni Opo Empung, iwayamola Sia in tumumpamé witu u salip itii, wo kita toro milek wo ma'éman.” Sé zua sinalip karia-Na kangkasii é mahséro' wia ni Sia.

Markus 8:34

A si Yesus tumawahmé sé tou lakez wo sé pahtuzu'en-Na, ang kumua wia ni séra, “Séi si paaz kumiit ni Aku, ni sia én zéi'mo mahgenang ung katou-touanna in esa, masaan u salipna wo kumiit ni Aku.

Lukas 14:27

Séi uman si zéi'kan masaan u salipna wo kumiit ni Aku, ni sia én zéi'kan toro maéndo pahtuzu'eng-Ku.

Lukas 23:26

I si Yesus méipahwali nérama, witi lalan ni séra mahilekan karia ni Simon tou Kirene, si witi wanua walina a méyé, mahuuntep witi wanua tua'na. Ni sia é méipekiento' nérala am pasaanan nérala u salip karia i mahkiita si Yesus.

Lukas 23:33

I ni séra méikaayola witi tampa makangaran Tengkora', si Yesus méisalip néra witu karia né zua tou léwo' itii, si esa ém witu ung kakan-Na wo si esa ém witu ung kawihi-Na.

Lukas 23:38

Witu un atas un ulu-Na kasii ém pinantikan: “Si kenumo si Kolano né tou Yahudi”.

Lukas 9:23

Ipahkua-Na wia ni séra péléng, “Séi si paaz ing kumiit ni Aku, ni sia én zéi'mo mahkiit ang kapaazna. Sekez in endo é léwo'zéi' i masaan u salipna wo mahkiit ni Aku.

Yohanes 19:13

I si Pilatus timalingamé an ipahkua néramé itii, ni sia nimatuma sé tou i mahwalimé si Yesus i mondolé, wo si Pilatus rimumezla witu u rurumezan i mahtotoz in ulit kaapa zéi'kan am pahwangunen né tou. Un tampa itii ém pahkuan Welah Watu. Witu u nunuwu'en Ibrani ém pahkuan Gabata.

Yohanes 5:2

Im witi Yerusalem rété um pepenet tua'na pahkuan “Pepenet Domba” ém wéwéhan ung kolam um witu u nunuwu'en Ibrani pahkuan Bethesda. Im witu ém wéwéhan u lima loloangan.

Kisah Rasul-rasul 7:58

Ni sia éng kinéhong néramé an iondolé im witi wanua tua'na am weriten néra karia am watu. Sé tou nimilek niitu é nimukala ang karai tonton néra an izeta'la witu u sinaru ni tarétumou makangaran Saulus.