Yohanes 19:13 - Taaz Weru Witu u Nunuwu'en Tombulu

¹³ I si Pilatus timalingamé an ipahkua néramé itii, ni sia nimatuma sé tou i mahwalimé si Yesus i mondolé, wo si Pilatus rimumezla witu u rurumezan i mahtotoz in ulit kaapa zéi'kan am pahwangunen né tou. Un tampa itii ém pahkuan Welah Watu. Witu u nunuwu'en Ibrani ém pahkuan Gabata.

Yohanes 19:13 Iomraidhean Croise

Matius 27:19

Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.”

Lukas 12:5

In tarékan én ituzu'-Kuma wia ni kamu séi si léwo'zéi' in ikaindé' niou. Ikaindé'la si Opo Empung, pahpaan ni Sia ém wéwéhan kawasa i munu' un awak niou wo lumombo' si roh niou witi naraka. Uli-ulit ikua-Kuma wia ni kamu, ikaindé'la Sia!

Yohanes 19:17

Si Yesus é nimasaan u salip-Na nimondolé im witi wanua tua'na a mangé witi tampa makangaran Tampa an Tengkora'. Witu u nunuwu'en Ibrani ém pahkuan Golgota.

Yohanes 19:20

Lakez sé tou Yahudi nimaca u méipantik itii, pahpaan u sinalipan si Yesus é rété uman u Yerusalem. Wo u méipantik witu é nunuwu'en Ibrani, nunuwu'en Latin wo nunuwu'en Yunani.

Yohanes 19:8

In timalingamé u méikua néramé itii, si Pilatus éng kalousnamo i maindé'.

Yohanes 5:2

Im witi Yerusalem rété um pepenet tua'na pahkuan “Pepenet Domba” ém wéwéhan ung kolam um witu u nunuwu'en Ibrani pahkuan Bethesda. Im witu ém wéwéhan u lima loloangan.

Kisah Rasul-rasul 4:19

Taan si Petrus wo si Yohanes é nimingkotla in téntii, “Totozen niouola in esa wisa un ulit im witu u sinaru ni Opo Empung: mahtali-talinga wia ni kamu kaapa mahtali-talinga wia si Opo Empung.