Yohanes 19:11 - Taaz Weru Witu u Nunuwu'en Tombulu

¹¹ Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Yohanes 19:11 Iomraidhean Croise

Matius 26:65

A si Walian Wangko' itii sumangsanga ung kinaraina ang kumua, “Ni Sia mahséro'mo si Opo Empung. Apapé' un torona kita menéro tou ing kumua a niilek wo tinalinga tumoro ni Sia? In tarékan én tinalinga niouoma ni Sia i mahséro' si Opo Empung.

Matius 27:2

A Sia apusen nérala an ipahwalima i maiayo wia si Pilatus, si gubernur witi tana' itii.

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Markus 14:44

Puunala niitu, si Yudas éng kimuamo wia ni séra, “Si tou siomengku, ni Siamo Sia. Tionané Sia wo téi-téizan i ni Sia ipahwali niou.”

Lukas 22:53

Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”

Yohanes 18:13

Ing kataré-taré, ni Sia é méipahwali nérama wia si Hanas si Walian Wangko' im puuna. Si Hanas é mahnuang ni Kayafas. Si Kayafas ém Walian Wangko' in ta'un itii.

Yohanes 18:3

A méyé si Yudas witi tampa itii, mahwalimé sé sana réwok suraro né Romawi wo sé woopira tou sé menénéiz um walé ni Opo Empung, sé méiatumé né tonaas né walian wo né sana réwok tou Farisi. Ni séra niméyé é nimahalimé solo, obor wo ang kokoro'.

Yohanes 19:10

Pahpaano niitu si Pilatus kimuala wia ni Sia, “Kaa Ko soo numuwu' wia ni aku? Zéi'kan kata'uan-Nu wé i ni aku ém wéwéhan kawasa i milot ni Ko wo kangkasii wéwéhan kawasa i sumalip ni Ko?”

Yohanes 3:27

A si Yohanes Menanarani mingkotla, “Zéi'kan siapa zozo' in esa si tou toro makailek apa sa niitu zéi'kan méiwéhémé ni Opo Empung.

Yohanes 7:30

A séra mahtututu' in tumion ni Sia, taan zéi'kan siapa zozo' in esa si timiona wia ni Sia, pahpaan zéi'kampé' orasna.

Yohanes 9:41

Ang kuan ni Yesus wia ni séra, “Sa woo ni kamu letok, ni kamu zéi'kan mahsingkéla', taan pahpaan ni kamu kimuamé i ni kamu én toro mahilek, niitumo ni kamu é mahsingkéla'pé'.”

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.

Kisah Rasul-rasul 4:28

Um winangun néra én tinotoz-Mumo rengané im puuna. Péléng niana é nimamuali pahpaan ung kawasa wo um paaz-Mu.

Roma 11:36

Pahpaan péléng am péléng ém winangun-Na, wo wia ni Sia a méyé, wo wia ni Sia uman. U looz wo sigi' ém wia ni Sia uman makaz ing kauré-uré. Amin.

Roma 13:1

Péléng sé tou é léwo'zéi' i mahtali-talingala wia sé pemerénta, pahpaan zéi'kan siapa pemerénta sé zéi'kan wia si Opo Empung a méyé wo péléng sé pemerénta én tinotoz ni Opo Empung.

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

Yakobus 4:17

Niitumo, sa si tou mata'u kura i mahwangun a lé'os, taan zéi'kan pahwangunenna, si tou itii é mahsingkéla'mo.