Yohanes 19:1 - Taaz Weru Witu u Nunuwu'en Tombulu

¹ An iatuma ni Pilatus sé surarona i mahwalimé si Yesus wo sumambok ni Sia.

Yohanes 19:1 Iomraidhean Croise

Matius 20:19

Ni Sia én iayo néra wia sé tou zéi'kan Yahudi i séro'an néra, saluken wo salipen, taan witu un endo katelu ni Sia én itou sumaup ni Opo Empung.”

Matius 23:34

Niitumo, ilekena! Ni Aku nimatumomé wia ni kamu sé nabi, sé tou lintas wo sé tou tulap un Torat. Sé woopira im wia ni séra ém wunu'en niou wo salipen niou, wo sé walina kasii é saluken niou wana am walé peraragésan niou in tou Yahudi wo pahkikiiten niou im witu um wanua tua'na esa makaz wana am wanua tua'na walina in zézéhan.

Lukas 18:33

Ni Sia é saluken wo wunu'en néra, taan witu un endo katelu ni Sia é matou sumaup.”

Lukas 23:16

Niitumo, ni Sia é saboken umana wo Sia ipilota.” [

Lukas 23:23

Taan ni séra éng karimezna uman i mahkérét karia mahlusu wo menutu' ni Sia i salipen. Ing kamurian um pengéré-ngérét néra éng kinakiitané.

2 Korintus 11:24

Ni aku é makalimamo ukumen sinaluk né tou Yahudi. Sekez in ukumen ni aku é sinaluk makateluna pulu' wo siou.

Ibrani 11:36

Wéwéhan kasii sé pahséro'an wo pa'uliten im pahsaboken, niapus karia u ranté wo méiuntep bui.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.