Yohanes 18:8 - Taaz Weru Witu u Nunuwu'en Tombulu

⁸ Am wingkotela ni Yesus, “Mémoikua-Kula wia ni kamu, ni Akumo Sia. Sa ni Aku si pahpenéron niou, iwayamoma sé tou kenu i mangé.”

Yohanes 18:8 Iomraidhean Croise

Matius 26:56

Taan péléng niia é léwo'zéi' mamuali wo malekep a méipantik né nabi witu um Pinantik Lenas.” Am péléng sé pahtuzu'en ni Yesus tumula'uma ni Sia an tumingkasa.

Yohanes 10:28

Ni Aku é mahwéhé ung katou-touan makaz ing kauré-uré wia ni séra wo ni séra uli-ulit zéi'kan maléwo' makaz ing kauré-uré wo zéi'kan siapa zozo' in esa si kumahat ni séra im witu u lengen-Ku.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 13:36

Si Simon Petrus kimuala wia si Yesus, “Tuang, wisa un angéan-Nu wé?” Kuan ni Yesus, “Ni ko én zéi'kan mata'u kumiit i mangé witi tampa angéang-Ku in tarékan. Taan in tumondong ni ko é makumiit ni Aku.”

Yohanes 16:32

Gena-genangen, un orasna é méyé, lumouspé'tarémé niitu ém wiamo i ni kamu si esa wo si esa isera i mawuri witi walé niou wo tumula'u ni Aku mengesa-ngesa. Taan ni Aku én zéi'kan mengesa-ngesa, pahpaan si Ama' é mengari-ngaria ni Aku.

Yohanes 18:7

A si Yesus lumigau kasiima wia ni séra, “Séi si pahpenéron niou?” Kuan néra, “Si Yesus tou Nazaret.”

Yohanes 18:9

Karia ing kimuama téntu, nimawutulola u mémoinuwu'-Na, “Ama', im wia sé tou méiwéhémé ni Ama' wia ni Aku, zéi'kan siapa zozo' in esa si ikaléwo'.”

1 Korintus 10:13

Ni kamu ém pahwa'wa'en karia am pema'wa'en ang kinanaram im pahpendanen né tou, un toro pengalin niou. Pahpaan si Opo Empung zéi'kan maliuz wana a méitaaz-Na, niitumo zéi'kan iwaya-Na ni kamu im pema'wa'en karia am pema'wa'en an zéi'kan kawawaan niou. Sekez kamu i mahsaru am pema'wa'en, si Opo Empung é méhé lalan wia ni kamu makaz ni kamu makawawa i mahsaru am pema'wa'en itii.

2 Korintus 12:9

Taan winingkot umané ni Opo Empung, “Ung kamang méitambér-Ku wia ni ko én toromo. Pahpaan, i ni ko zéi'kan enté' ung kawasa-Ku totoz nimalekep.” Niitumo, ni aku mahpaa-paaz i mahlooz un touku in zéi'kan enté', wo kapenda-pendanangku ung kawasa ni Kristus é memali-mali kariaku.

Efesus 5:25

É tuama makamahayo, iraraatéla si mahayomu tanu si Kristus i rimaraatémola sé jamaat wo nimayomola un tou-Na wia sé jamaat itii.

1 Petrus 5:7

Iayola wia ni Sia péléng an ikaarét niou, pahpaan ni Sia én totoz mahwéhé genang wia ni kamu.