Yohanes 18:40 - Taaz Weru Witu u Nunuwu'en Tombulu

⁴⁰ Ni séra mahkérété, “Tia' si tou kenu si ipiloté taan si Barabaso si ipiloté!” (Si Barabas é si tou mahsaru sé pemerénta né Romawi).

Yohanes 18:40 Iomraidhean Croise

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Matius 27:16

In toro niitu, witi untep um bui ém wéwéhan si tou ipahkua-kua ung kaléwo'anna si makangaran Yesus Barabas.

Matius 27:26

A si Pilatus milota si Barabas wia ni séra, taan si Yesus é méipekisaboknama an iayonala i masalipen.

Markus 15:15

Pahpaan si Pilatus paaz i mangun sé tou lakez itii i mahpaa-paaz, a sia milota si Barabas wia ni séra, taan si Yesus é méipekisaboknama an iayonala i masalipen.

Markus 15:7

In toro niitu, wéwéhan si tou makangaran Barabas, si binui karia né tou walina pahpaan ni séra é nimahwunu' tou i mahsaru sé pemerénta Romawi.

Lukas 23:25

Méipilotna si tou binui pahpaan mahsaru sé pemerénta wo nimunu' sé tou méikiit um penutu'en néra, taan si Yesus é méiayona wia ni séra i mualian néra kiit um paaz néra.