Yohanes 18:36 - Taaz Weru Witu u Nunuwu'en Tombulu

³⁶ Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

Yohanes 18:36 Iomraidhean Croise

Matius 26:53

Kaapa pahgenangen nioula i ni Aku én zéi'kan toro mahaléia wia si Ama'-Ku, wo rengan in iatu-Namé sé mapulu' wo zuana réwok suraro né malaekat i mésumawang ni Aku?

Lukas 12:14

Taan kuan ni Yesus wia si tou itii, “Séi si timuzu'la ni Aku i maéndo menonotoz kaapa meméméténg a sangkum méitula'uma né tu'a niou?”

Yohanes 18:35

Kuan ni Pilatus, “Tou Yahudi aku wé? Sé kawanua-Mu karia né tonaas né walian sé nimayo ni Ko wia ni aku. Apamo um winangun-Mula wé?”

Yohanes 6:15

Kata'uan ni Yesus ni séra é mamenutu' ni Sia i maéndo kolano néra. Niitumo Sia nimangé witi kimentur mengesamé.

Yohanes 8:15

Ni kamu mahtotoz in ulit kaapa zéi'kan am pahwangunen né tou mengiit ung kinanaram né tou, taan zéi'kan siapa zozo' in esa si tou tinotoz-Ku in ulit kaapa zéi'kan um pahwangunenna,

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

1 Timutius 6:13

In tarékan witu u saru-sarun ni Opo Empung si mahwéhémé ung katou-touan wia péléng sé menou-nou wo witu u saru-sarun ni Kristus Yesus, si nimakaulitola ang kata'uan-Na tumoro ang kaulitan witu u sinaru ni Pontius Pilatus, pahaléiengku wia ni ko: