Yohanes 18:35 - Taaz Weru Witu u Nunuwu'en Tombulu

³⁵ Kuan ni Pilatus, “Tou Yahudi aku wé? Sé kawanua-Mu karia né tonaas né walian sé nimayo ni Ko wia ni aku. Apamo um winangun-Mula wé?”

Yohanes 18:35 Iomraidhean Croise

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.

Yohanes 18:34

Ang kuan ni Yesus, “Apa niitu um peligauennu mengiit ung genangmu, kaapa sé tou walina sé kimua tumoro ni Aku wia ni ko?”

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

Yohanes 19:11

Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Yohanes 19:6

I si Yesus niilekla né tonaas né walian karia né menénéiz um Walé ni Opo Empung, ni séra é mahkérét, “Salipenola Sia, salipenola Sia!” Ang kuan ni Pilatus wia ni séra, “Éndonoma Sia wo kiitola um paaz niou i sumalip ni Sia, pahpaan zozo' in esa én zéi'kan siapa u sinala' kinailekangku im wia ni Sia.”

Kisah Rasul-rasul 21:38

Sa téntu, ni ko ndéén én zéi'kan si tou Mesir si im weru kenu nimahsaruma sé pemerénta an tumingkasa nimahwalima sé epatna riwu tou sé mahali-ali ang kokoro' nimangé witi kapelasan?”

Kisah Rasul-rasul 23:29

Kinata'uangkula i ni sia ém pahtokéan néra pahpaan un ukum Torat. Taan zéi'kan siapa un ipahtoké néra un toro maéndo kawalian mukum ni sia i maté kaapa in iuntep bui.

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.