Yohanes 18:33 - Taaz Weru Witu u Nunuwu'en Tombulu

³³ Si Pilatus nimuntepa sumaup witi istanana, tawahenamé si Yesus a meligau wia ni Sia, “Apa ni Komo si Kolano né tou Yahudi?”

Yohanes 18:33 Iomraidhean Croise

Matius 27:11

A si Yesus isaru nérala wia si gubernur Pilatus. Si gubernur itii é meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Matius 27:27

Tumondong niitu, si Yesus méipahwalima né suraro ni Pilatus witi istana ni gubernur, an tawahen néramé péléng sé kasuraro néra i maréwoké witu u makaliklik ni Yesus.

Markus 15:2

Ikaayola wia si Pilatus, a si Pilatus meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Lukas 23:2

Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 12:13

ni séra mahéndomé an zani'na am palem a masumungkul ni Sia, karia i mahkérét, “Hosana! Loozela ni Sia si niméyé karia u ngaran ni Opo Empung, si Kolano né Israel!”

Yohanes 12:15

“Tia'mo maindé', é kamu sé witi Sion! Ilekena, si Kolano niou é mahéyémo, simakémé wia si keledai peranggang.”

Yohanes 18:34

Ang kuan ni Yesus, “Apa niitu um peligauennu mengiit ung genangmu, kaapa sé tou walina sé kimua tumoro ni Aku wia ni ko?”

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 18:38

Ang kuan ni Pilatus wia ni Sia, “Apa wé ung kaulitan itii?” I nimakakuamola niitu, si Pilatus nimondola i mahilekan karia né tou Yahudi a mahkua wia ni séra, “Zéi'kan siapa zozo' in esa ung kasumalaan kinailekangku wia ni Sia.

Yohanes 19:12

Rengané in toro niitu, si Pilatus mahtututu' i milot ni Sia, taan sé tou Yahudi mahkérét, “Sa Sia ipilotmumé, ni ko én zéi'kan kakaria ni Kaisar. Séi uman si mapakua ing kolano é mahsaru si Kaisar.”

Yohanes 19:3

Tumondong niitu, ni séra mahsasawelana mahrétéma wia ni Sia a mahkua, “Sigi' wangko', é Kolano né tou Yahudi!” A Sia pahsepalen nérama.

Yohanes 19:4

A mondol kasiima si Pilatus wo mahkua, “Ilekenola, ni Sia méiondolkumé wia ni kamu, wo toro kata'uan nioua i ni aku én zéi'kan nimilekla u sinala' zozo' in esa im wia ni Sia.”

Yohanes 19:9

A sia muntepa sumaup witi istanana. I si Yesus méipahwalimomé i nimuntepé, a si Pilatus kumuama wia ni Sia, “Wisa Ko a méyé wé?” Taan si Yesus zéi'kan nimingkotla.

1 Timutius 6:13

In tarékan witu u saru-sarun ni Opo Empung si mahwéhémé ung katou-touan wia péléng sé menou-nou wo witu u saru-sarun ni Kristus Yesus, si nimakaulitola ang kata'uan-Na tumoro ang kaulitan witu u sinaru ni Pontius Pilatus, pahaléiengku wia ni ko: