Yohanes 18:20 - Taaz Weru Witu u Nunuwu'en Tombulu

²⁰ A sia wingkotela ni Yesus, “Zéi'kan siapa an ipahwuni-wuni-Ku i mahnuwu'ma wia sé tou lakez. Sekezé ni Aku é mahtuzu' wana am walé peraragésan né tou Yahudi wo witi Walé ni Opo Empung, witi peréréwokan péléng né tou Yahudi. Ni Aku zéi'kan kawisa mahwuni-wuni i mahnuwu'ma.

Yohanes 18:20 Iomraidhean Croise

Matius 24:26

Niitumo, sa wéwéhan tou kumuala wia ni kamu in téntii, ‘Amoké ilekena, ni Sia ém witi kapelasan!’ Tia'mo ni kamu mahaangé witu. Kaapa sa wéwéhan kumuala wia ni kamu, ‘Amoké ilekena, ni Sia ém witu un untep um walé!’ Niitu én tia'mo pa'émanen niou.

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Matius 26:65

A si Walian Wangko' itii sumangsanga ung kinaraina ang kumua, “Ni Sia mahséro'mo si Opo Empung. Apapé' un torona kita menéro tou ing kumua a niilek wo tinalinga tumoro ni Sia? In tarékan én tinalinga niouoma ni Sia i mahséro' si Opo Empung.

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 9:35

Si Yesus wo sé pahtuzu'en-Na é melili-liklik wana péléng am wanua wo wanua tua'na; ni Sia é mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung, wo mahlé'os péléng sé saki wo sé lailai.

Markus 8:32

Péléng niitu én ipahkua ni Yesus wo zéi'kan susa ing katulapan. Taan ni Sia éng kinéhongé ni Petrus rimuruhla, a Sia séro'ennala.

Lukas 21:37

In endo, si Yesus é mahtuzu' witi lésaz um Walé ni Opo Empung wo im wengi ni Sia mondolé i matumekel witi kentur Zaitun.

Lukas 4:15

Karegas niitu, ni Sia é mahtuzu' wana am walé peraragésan né Yahudi wo péléng sé tou é mahlooz ni Sia.

Yohanes 18:21

Kaa kahuman ni Aku pahligauannu? Lumigaula wia ni séra, sé timalingamo a méikua-Ku. Totoz kata'uan néra a mémoipahkua-Kula.”

Yohanes 6:59

Péléng niia é méikua ni Yesus im witi Kapernaum i ni Sia mahtuzu' witi walé peraragésan né tou Yahudi.

Yohanes 7:14

Karegas i mahlé'os um pésta itii, si Yesus muntepa witi lésaz um Walé ni Opo Empung a mahtuzu' witu.

Yohanes 7:26

Taan ilekena, zéi'kan siapa sé siméro'la ni Sia i mahnuwu' wia sé tou wo zéi'kan siapa u méipahkukua nérama wia ni Sia. Woo katu' uli-ulit kata'uano né tonaasta i ni Siamo si Kristus?

Yohanes 7:28

I si Yesus mahtuzu' witi lésaz um Walé ni Opo Empung, ni Sia mahkérét, “Niitu én ulit i ni Aku éng kata'uan niou wo kata'uan niou wisa ni Aku a méyé. Ni Aku im wia'i én zéi'kan pahpaan um paaz-Ku in esa, taan si Opo Empung si nimatumé ni aku. Ni Sia si nimatumé ni Aku én ulit wo ni kamu én zéi'kan mata'u ni Sia.

Yohanes 7:4

Pahpaan zéi'kan siapa zozo' in esa si mahwuni am winangunna sa sia paaz ing kata'uan né tou. Sa Ko manguna an tanu niitu, péléng sé tou wia ung kaayahan é mata'u tumoro ni Ko.”

Yohanes 8:2

Masandonamé, woondopé' karengan ni Sia ém witimo lésaz um Walé ni Opo Empung wo lakez sé tou mahéyé wia ni Sia. Ni Sia rumumezla a mahtuzu' ni séra.

Yohanes 8:26

Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”

Kisah Rasul-rasul 26:26

Niitu én totoz ing kata'uan ni kolano Agripa, pahpaano niitu ni aku én zéi'kan maindé' i makaulit mahkua wia ni sia. Totoz kata'uangku in zéi'kan siapa zozo' in esa wana a méikuaku un zéi'kan kata'uan ni kolano, pahpaan niitu péléng én zéi'kan nimamuali wana an tampa méikawuni.