Yohanes 18:13 - Taaz Weru Witu u Nunuwu'en Tombulu

¹³ Ing kataré-taré, ni Sia é méipahwali nérama wia si Hanas si Walian Wangko' im puuna. Si Hanas é mahnuang ni Kayafas. Si Kayafas ém Walian Wangko' in ta'un itii.

Yohanes 18:13 Iomraidhean Croise

Matius 26:3

In toro niitu, sé tonaas né walian wo sé pahtutu'an né tou Yahudi é nimaréwok witi istana ni Walian Wangko' makangaran Kayafas.

Matius 26:57

I si Yesus tinionan néramomé, a Sia ipahwali nérama isaru wia si Walian Wangko' Kayafas. Im witu é nimaréwoko sé tou tulap un Torat wo sé pahtutu'an né tou Yahudi.

Lukas 3:2

In toro niitu, si Hanas wo si Kayafas nimaéndo Walian Wangko' né tou Yahudi, a si Opo Empung numuwu'ma wia si Yohanes si oki' ni Zakharia witi kapelasan.

Yohanes 11:49

Taan si esaané im wia ni séra, si Kayafas, si Walian Wangko' in ta'un itii, kimuama wia ni séra, “Ni kamu én zéi'kan siapa kata'uan

Yohanes 11:51

Taan u méikuama ni Kayafas itii én zéi'kan mengiit ung genangna. Taan im Walian Wangko' witu un ta'un itii ni sia éng kimuama u méikuamé ni Opo Empung in esa i si Yesus é maté wia sé tahsasana wanua itii.

Yohanes 18:24

An iatuma ni Hanas sé tou i mahwalima si Yesus si niapus, mangé wia si Kayafas si Walian Wangko' itii.

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.

Yohanes 19:11

Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Kisah Rasul-rasul 4:6

Si Walian Wangko' Hanas wo si Kayafas, si Yohanes, si Aleksander wo sé walina sé méikauntep sana awu ni Walian Wangko' é niméyé witi pengengeruzan itii.