Yohanes 18:12 - Taaz Weru Witu u Nunuwu'en Tombulu

¹² A sé suraro né Romawi karia ni tonaas néra wo sé menénéiz um walé ni Opo Empung sé méiatumé né tou Yahudi, tumiona wo mapusa si Yesus.

Yohanes 18:12 Iomraidhean Croise

Matius 26:57

I si Yesus tinionan néramomé, a Sia ipahwali nérama isaru wia si Walian Wangko' Kayafas. Im witu é nimaréwoko sé tou tulap un Torat wo sé pahtutu'an né tou Yahudi.

Matius 27:2

A Sia apusen nérala an ipahwalima i maiayo wia si Pilatus, si gubernur witi tana' itii.

Matius 27:27

Tumondong niitu, si Yesus méipahwalima né suraro ni Pilatus witi istana ni gubernur, an tawahen néramé péléng sé kasuraro néra i maréwoké witu u makaliklik ni Yesus.

Markus 14:53

A si Yesus ipahwali nérama in isaru wia si Walian Wangko'. A makaréwoké sé tonaas né walian, sé pahtutu'an karia né tou tulap un Torat.

Markus 15:1

In totozpé' woondo, sé tonaas né walian, sé pahtutu'an né tou Yahudi, sé tou tulap un Torat wo sé walina sé méikauntep witu u Mahkama Agama, nimaréwok wo nimaesaan. A si Yesus apusen nérala an ipahwalima i maiayo wia si Pilatus.

Lukas 22:54

A si Yesus tionan nérama an iondolé witi tampa itii. Ipahwali nérama Sia witi walé ni Walian Wangko'. Karegas niitu si Petrus é mahkiita zozo' in zou'ma oki'.

Yohanes 18:3

A méyé si Yudas witi tampa itii, mahwalimé sé sana réwok suraro né Romawi wo sé woopira tou sé menénéiz um walé ni Opo Empung, sé méiatumé né tonaas né walian wo né sana réwok tou Farisi. Ni séra niméyé é nimahalimé solo, obor wo ang kokoro'.

Kisah Rasul-rasul 10:1

Witi Kaisarea ém wéwéhan si tuama makangaran Kornelius. Ni sia én tonaas né sana atus suraro Romawi nginaranan Italia.

Kisah Rasul-rasul 21:31

Karegas séra i mahwuwunu' si Paulus, am wéwéhan si tou makimua wia si tonaas né sana riwu suraro né Romawi sa im witi Yerusalem é ringka'mo.

Kisah Rasul-rasul 21:37

I si Paulus ipahuuntep néramo witi pahento'an mahwali-wali né suraro, ni sia meligau wia si tonaas né sana riwu suraro itii, “Toro ni aku i sumiritama kariamu?” A mingkotla si tonaas né suraro itii, “Mata'u ndéén u nunuwu'en Yunani ko?

Kisah Rasul-rasul 23:10

A sé sana réwok tou Farisi wo Saduki kalousnamo i mahzéi-zéi'an, makaz si tonaas né suraro é maindé'mo én taa si Paulus léndongan nérama. Niitumo, ni sia nimeréntama sé surarona in timumpama i mangémé si Paulus im witu un unez né tou lakez itii wo mahwalima ni sia witi pahento'an mahwali-wali né suraro.